Թոփքափը (թուրք.՝ Topkapı), Օսմանյան կայսրության գլխավոր պալատը, մինչ XIX դարը։ Թոփքափը անվանումը թուրքերենից թարգմանած նշանակում է «թնդանոթային դարպասներ» (թուրք.՝ top՝ թնդանոթային արկ, գնդակ, kapıդարպաս, դուռ)։ Հայկական գրականության մեջ շատ հաճախ հանդիպում է նաև Թոփքափի տարբերակը։ Հայտնի է նաև Սերալ (ֆր.՝ Serail տարբերակը, որը առաջացել է պարսկերեն Serai՝ «մեծ տուն, պալատ», որը փոխառվել է թուրքերենում Սարայ թուրք.՝ saray) տարբերակի։
Պալատը տեղակայված է Սարայբուրնու հրվանդանի վրա։ Սա այն վայրն է, որտեղ Բոսֆորը և Ոսկեղջյուրը թափվում են Մարմարա ծով՝ Ստամբուլի Ֆաթիհ թաղամասում։ Պալատի ընդհանուր տարածքը կազմում է 700 հզ քառ․ կիլոմետր, որոնց շրջապատող պարիսպների ընդհանուր երկարությունը կազմում է 1400 մետր։
Ներկայումս Թոփքափը ամրոցը համարվում է աշխարհի ամենահայտնի թանգարաններից մեկը։ Ցուցանմուշների քանակը, որոնք ներկայացված են ցուցադրության, հասնում է մոտ 6500-ի, որը Թոփքափը ամրոցի ընդհանուր հավաքածուի մոտ մեկ տասներորդ մասն է կազմում։