Լիկի աստղադիտարան, Կալիֆոռնիայի (ԱՄՆ) համալսարանի գիտահետազոտական հիմնարկ։ Հիմնադրվել է 1881-ին (պաշտոնական բացումը կատարվել է 1888-ին), մեծահարուստ Ջ. Լիկի (1796— 1876) կտակած միջոցներով։ Գտնվում է Համիլտոն լեռան գագաթին (1306 մ), Սան–Խոսեից 46 կմ արլ.։ Հիմնական գործիքներն են՝ 30 և 91 սմ ռեֆրակտորները, 61, 91 և 305 սմ ռեֆլեկտորները, 51 սմ կրկնակի աստրոգրաֆը։ Հետազոտությունների հիմնական ուղղություններն են՝ Գալակտիկայի կառուցվածքը և պտույտը, աստղերի ֆիզիկական հատկությունները և սեփական շարժումները, արտագալակտիկական միգամածությունները են։
