Չապուլտեպեկ զբոսայգի (իսպ.՝ Bosque de Chapultepec, հայտնի է որպես Չապուլտեպեկ անտառ Մեխիկոյում, Արևմտյան կիսագնդի ամենամեծ զբոսայգիներից մեկն է, որի տարածքը կազմում է շուրջ 686 հա (1,695 ակր)։ Կենտրոնում գտնվում է Չապուլտեպեկ բարձունքը։ Այգու հիմնական գործառույթներից մեկն է ընդարձակ մեգալոպոլիսի համար էկոլոգիական տարածքի ապահովումը։ Այգին Մեխիկոյի առաջնային ու կարևոր կանաչ գոտին է, հանդիսանում է քաղաքի «թոքերը»՝ իր բազմազան ծառերով, որոնք ապահովում եմ Մեխիկոյի հովիտը թթվածնով։ Զբոսայգին բնակեցվել և հատուկ տարածք է դարձել նախակոլումբյան դարաշրջանից ի վեր։ Գաղութային շրջանում այստեղ կառուցվել է Չապուլտեպեկ ամրոցը, որը մինչև 1940 թվականը դարձավ պետության ղեկավարների պաշտոնական նստավայրը։
1847 թվականի սեպտեմբերին այստեղ ամերիկացի և մեքսիկացի զորքերի միջև տեղի է ունեցել Չապուլտեպեկի ճակատամարտը։
Զբոսայգին բաժանված է երեք հատվածների, որի առաջին հատվածն ամենահին և ամենաշատ այցելու ունեցողն է։ Այս հատվածում են գտնվում կենդանաբանական այգին, Անթրոպոլոգիայի ազգային թանգարանը, Ռուֆինո Տամայո թանգարանը և այլն։ 2005-2010 թվականներին այգում իրականացվել են բարեփոխումներ։
|
էջը ում |
