Ալամիլյո (իսպ.՝ Puente del Alamillo), կամուրջ Սևիլյայում, Անդալուզիայում (Իսպանիա)։ Տարածվում է Canal de Alfonso-ի վրա։ Հասանելի է դարձնում Կարտուխա թերակղզին, որը գտնվում է վերոհիշյալ ջրանցքի և Գվադալկիվիր գետի միջև։ Կամուրջը կառուցվել է որպես Expo 92-ի ենթակառուցվածքի բարելավման մաս։ Ցուցահանդեսը տեղի է ունեցել կղզու խոշոր բանանային տնտեսություններում։ Կամրջի շինարարությունը սկսվել է 1989 թվականին և ավարտվել 1992 թվականին՝ Սանտիագո Կալատրավայի նախագծով։
Կախովի կամուրջ է։ Բաղկացած է մեկ մետաղյա հենքից, որը 200 մ թռիչքին հավասարակշռություն է ապահովում տասներեք ամրալարերով։ Նախնական նպատակն էր կղզու յուրաքանչյուր կողմում կառուցել երկու սիմետրիկ կամուրջներ, սակայն վերջում որոշվեց կառուցել Ալամիլյոյի եզակի դիզայնը։
Շինարարության համար տնտեսական սահմանափակումներ չկային, նպատակն էր ստեղծել խորհրդանշական մեծ կամուրջ։ Այս կամուրջը ներկայացրեց Սևիլիայի քաղաքների ձգտումները Expo'92-ին նախապատրաստվելու համար։ Այն տեսանելի է Լա Գիրալդայի գագաթից` նախկին մինարեի, որը կապում է Սևիլիայի անցյալը և ներկան: Բրուքլինի կամրջի նման, հետիոտների համար նախատեսված է անցուղի։ Ալամիլյո կամրջի վերևը կարելի է բարձրանալ փակ սանդուղքով։
Ալամիլյոն միակ կամուրջն է, որը հավասարակշռված է հավելյալ կշիռներով, որոնք չեն պահանջում որևէ հենարան։ Կամրջի տակ կան 54 սյուներ, բայց դրանք կատարում են պասիվ դեր։ Կալաթրավայի Սանդիալ կամուրջը Կալիֆորնիայում (2004), և Չորդ կամուրջը Երուսաղեմում, նախագծով նման են Ալամիլյո կամրջին։
