Աթենքի կենդանաբանական այգի, (հուն.՝ Αττικό Ζωολογικό Πάρκο) 20 հեկտար տարածքի վրա գտնվող մասնավոր կենդանաբանական այգի, որը գտնվում է Հունաստանի Աթենք քաղաքի արվարձանում։ Կենդանաբանական այգում պահվում են 400 տեսակի 2000 կենդանիներ։ Կենդանաբանական այգին բաց է տարվա մեջ 365 օր, ընդ որում նաև աշխատանքային օրերին։ Աթենքի կենդանաբանական այգին համարվում է Կենդանաբանական Այգիների և Ակվարիումների Եվրոպական Ասոցիացիայի անդամ, որպես Հունաստանի գլխավոր կենդանաբանական այգի։
Աթենքի կենդանաբանական այգին բաժնվել է 2000 թվականի մայիս ամսին։ Ի սկզբանե, այն եղել է Թռչունների այգի, որտեղ ներկայացված են եղել 300 տարբեր տեսակների մոտ 1100 թռչուններ։ Այն եղել է 3-րդ խոշորագույն թռչունների հավաքածուն Աշխարհում և 2-րդը Եվրոպայում և Եվրոպական Միությունում։
2001 թվականի ապրիլին կենդանաբանական այգում ավելացվեց նաև աշխարհի տարբեր վայրերից բերված սողուններ, իսկ 2002 թվականին ավելացվեց առանձին բաժին, որտեղ ներկայացված էր Հունաստանի կենդանական աշխարհի կենդանիները։ 2002 թվականի վերջում կենդանաբանական այգի բերվեցին կենդանիներ Աֆրիկայի սավաննաներից (Զեբր Գրևի, ընձուղտ) իսկ 2009 թվականից արդեն կենդանաբանական այգին հարստացավ կատվազգիներով (առյուծներ, վագրեր, հեպարդներ) և Աֆրիկյան կենդանատեսակների նոր տեսականի (Սովորական գետաձի, վարազ, գոմեշներ)։ 2004 թվականին ավելացվեց կապիկների ցուցահանդեսը և այգի բերվեցին կապիկներ, գիբոններ, շիմպանզեներ, բաբուիններ և այլ կապիկներ։
2008 թվականին Սոմալիից Հունաստանի ուղևորվեց կենդանիների նոր տեսականի, որոնցից առանձնահատուկ էին ուղտերը և էշերը։ 2010 թվականին կատարելագործվեցին Հունաստանի կենդանաբանական այգու պայմանները՝ բերվելով ԵՄ-ի անդամ երկրի կենդանաբանական այգու վիճակի։ Նույն թվականին ավելացվեց Դելֆինարիում և Աֆրիկայից բերվեց Սպիտակ ռնգեղջյուր։
2010 թվականից Կենդանաբանական այգում գործեց նաև դելֆինարիումի բաժինը, որտեղ ներկայացված էին չորս դելֆիններ և մի քանի ծովառյուծներ։ Ի սկզբանե դելֆինարիումում կար չորս դելֆիններ, որոնք բերվել էին Լիտվայից։ Նույն տարում նույն աղբյուրից Հունաստան բերվեցին նաև 7 դելֆիններ։ Հունաստանի բնապահպանական միությունը բողոքարկեց Հունական դատարան, պատճառաբանելով որ կենդանիները ի վիճակի չեն դիմանալու ոչ ազատ պայմաններին։ 2011 թվականի ապրիլի 15-ին Աթենքի քաղաքացիական դատարանը վճռեց որոշ ժամանակահատվածով արգելել դելֆինարիումի գործողությունը, իսկ դելֆինները ազատ արձակվեցին Էգեյան ծով։ 2011 թվականի օգոստոսին Աթենքի դատարանը չեկարկեց նախկին որոշումը և թույլատրեց կենդանաբանական այգում դելֆինարիումի առկայությունը։
