Բահիայի պալատը, 19-րդ դարի վերջի պալատ է, որը գտնվում է Մարաքեշում, Մարոկկոյում: Քաղաքի գլխավոր տեսարժան վայրերից մեկն է:
Պալատի շինարարության ճշգրիտ ժամկետներն անհայտ են: Այն կառուցվել է երկու փուլով 1859-1867-ական թվականներին, Սուլթան Մարոկկո Մուհամմեդ IV-ի նախկին ստրուկ՝ Սի Մուսայի հրամանով: Մարաքեշի մեդինայի հարավ-արևելյան մասում, կառուցվել է պալատի հյուսիսային մասը:
1894-1900 թվականներին Սայի Մուսայի որդին, Բա Ահմեդը, ով հոր մահվանից հետո դարձավ Սուլթան Աբդ ալ-Ազիզ IV-ի մեծ վեզիրը, կատարեց շինարարության երկրորդ փուլը` ընդարձակելով պալատական համալիրի հարավային մասը: Բահ Ահմեդը շատ հարուստ ու հզոր էր, ինչը դուր չէր գալիս Սուլթանին, և 1900 թվականին Վեզիրի մահից անմիջապես հետո պալատը թալանում է: Տասներկու տարի անց ֆրանսիական գեներալ Մարշալ Լյոտը, ով ղեկավարում էր Մարոկկոյի ֆրանսիական գաղութը, վերակառուցեց պալատը և դարձրեց իր նստավայրը Մարաքեշում:
Ներկայումս շենքը բաց է այցելուների համար: Կան համերգներ արաբա-անդալուզյան երաժշտության և արվեստի ցուցահանդեսներ:
Արդեն կառուցումը սկսելուց հետո հարևանությամբ ձեռք էին բերվում նոր հողամասեր, որի արդյունքում պալատական համալիրը կառուցվել է փուլերով և կորցրել հստակ պլանավորումը: Համալիրի տարածքում, որը զբաղեցնում է գրեթե 8 հա տարածք, կան շատրվաններ և այգի, հասմիկի, նարնջի և բանանի ծառեր, ախոռ, մզկիթ և համամ:
Պալատի սենյակները զարդարված են մարմարով, կերամիկական սալիկներով և մայրիով: Այս նյութերը բերվել են ամբողջ Հյուսիսային Աֆրիկայից: Մարմարը բերվել է Մեկնեսից, որտեղ այն հավանաբար բերվել է Կարրարայից և, որը մինչ այդ զարդարել է Մուլեյ Իսմայիլ պալատը կամ Էլ Բադիի պալատը: Մայրին բերված էր Միջերկրական Ատլասից, իսկ տերակոտան `Թետուանից:
|