Բեռլինի Օլիմպիական մարզադաշտ (գերմաներեն Olympiastadion), «Հերտա» Ֆուտբոլային ակումբի գլխավոր Օլիմպիական մարզադաշտը Բեռլին քաղաքում, Տարողությունը 74 064 հանդիսատես։
Սպորտային համալիր «Օլիմպիա Պարկ»-ը, որն այժմ «Olympiastadion» մարզադաշտի կենտրոնն է կառուցվել է մինչև Առաջին համաշխարհային պատերազմի սկսվելը, երբ Գերմանիան ստացավ 1916 թ. Օլիմպիական խաղերը անցկացնելու իրավունքը։
1933 թ-ին իշխանության եկած Ադոլֆ Հիտլերը օգտագործել է տարածքը հարակից վազքուղու համար։ Նրա հետաքրքիր պլանի մեջ էր մտնում նաև շինարարությունը մարզադաշտում 86 000 նստատեղով, առանձին Հոկեյ մարզադաշտի հետ միասին, նաև ձիարշավի համար նախատեսված տարածք, պետք է նաև հատկացվեին մի շարք այլ տարածքներ լողավազանի և բացօթյա սպորտի ասպարեզում։ Այդ ամենից հետո պետք է կառուցվեր բացօթյա թատրոն Dietrich Eckart (այժմ Berliner Waldbühne). Սպորտային համալիրը գտնվում է Մայֆելդի մարգագետնում, որտեղ կային Ազգային սոցիալիստական կուսակցության զանգվածային հանրահավաքներ։ Օլիմպիական մարզադաշտը կառուցվել է 1936 թ-ին ճարտարապետ Վերներ Մարհի կողմից։
1936 թ-ին մարզադաշտում տեղի ունեցավ հանդիսավոր արարողություն ի պատիվ Ամառային Օլիմպիական խաղերի, որը կազմակերպվել էր Գերմանիայի կառավարության կողմից։ Այն առաջին անգամ հեռարձակվել է ուղիղ եթեր հեռուստատեսոությամբ բացման ժամանակ։ Իսկ Օլիմպիական մրցույթը մարզադաշտում դարձավ օրինակ ստեղծելու մի գլուխգործոց ֆիլմի ասպարեզում որը կոչվեց «Օլիմպիա», իսկ ֆիլմի ռեժիսորն է Լենի Րիֆենշտալը։ Միևնույն մարզադաշտում տեղի է ունեցել 1936 թ-ի Օլիմպիական Խաղերի հիմանական մրցույթները։