Բոսֆոր (թուրք.՝ İstanbul Boğazı - «Ստամբուլի նեղուց», հուն.՝ Βόσπορος - «Կովի ծանծաղուտ»), Բոսֆոր Թրակիական՝ նեղուց Եվրոպայի և Փոքր Ասիայի միջև, որը միացնում է Սև ծովը Մարմարա ծովի, իսկ Դարդանելի նեղուցի միջոցով Միջերկրական ծովին։ Նեղուցի երկու կողմերի վրա տեղակայված է Թուրքիայի Ստամբուլ քաղաքը (հնում՝ Կոստանդնուպոլիս)։
Նեղուցի երկարությունը 30 կմ է, առավելագույն լայնությունը 3 700 մ (հյուսիսում), նվազագույն լայնությունը՝ 700 մ։ Նավարկուղու խորությունը 36-ից մինչև 124 մ։
Նեղուցն ունի էրոզիոն ծագում։ Այն առաջացել է հին գետահովտի վրա, որը չորրոդականում ծածկվել է ծովի ջրերով։ Ափերը միմյան են կապում երկու կամուրջներ։ Առաջինը Բոսֆորի կամուրջն է 1074 մետր լայնությամբ՝ կառուցված 1973 թվականին, իսկ երկրորդը սուլթան Մեհմեդ Ֆաթիհի անվանը ՝ 1090 մետր երկարությամբ՝ 1988 թվականին կառուցված։ Ենթադրվում է, որ նեղուցն առաջացել է 7500-5000 տարի առաջ։ սառցե դարաշրջանի վերջում սառույցի և ձյան հալվելու ժամանակ Սև և Միջերկրական ծովերը միացել են միմյանց՝ առաջացնելով ներկայից նեղուցը։ Նեղուցի ջրերը վերջին անգամ սառցակալվել են 1621-1669 թվականների ձմռանը։ Նավարկության թույլատրելի արագությունը չպետք է գերազանցի 10 ծովային հանգույցը։