Բուտրինտ (ալբ․՝ Butrint կամ Butrinti, հուն.՝ Βουθρωτό, լատ.՝ Buthrotum, իտալ.՝ Butrinto), հնագիտական արգելոց-թանգարան Ալբանիայի հարավում, Սարանդայից ոչ հեռու, Հունաստանի հետ սահմանի մոտակայքում։ Գտնվում է համանուն լճի ափին, Հոնիական լճից երկու կիլոմետր հեռու, Կերկիրա կղզու դիմաց։ Մոտակայքում է տեղկայված Բոիտրինտ անունով ժամանակակից ալբանական գյուղ։
1992 թվականին հռոմեական և հունական քաղաքների պեղումնավայրն ընդգրկվել է ՅՈՒՆԵՍԿՕ-ի համաշխարհային ժառանգության ցանկում։ 1999 թվականին օբյեկտն ընդլայնվել է՝ ներառելով նաև միջնադարյան վենետիկյան ամրոցը։
Բոիտրինտն մասամբ պեղվել է 1928-1935 թվականներին իտալացի գիտնական Լ․ Ուգոլինիի կողմից։ Հայտնաբերվել է մ․թ․ա․ 5-4-րդ դարի միջնաբերդ՝ դարպասների հետ (այդ թվում՝ առյուծի պատկերով դաջված դարպասները)։
Ստորին քաղաքում է գտնվում աստծո արձանով Ասկլեպիա սրբավայրը, մ․թ․ա․ 3-րդ դարի թատրոն՝ մարմարե արձաններով, բնակելի և հասարակական շենքերի մնացորդներով։ Երկրորդ համաշխարհային պատերազմից հետո պեղումները շարունակվել են։