Բուրգերս կենդանաբանական այգի (հոլ.՝ Burgers’ Zoo), կենդանաբանական այգի Հոլանդիայի Արնհեմ քաղաքում, որը ամենամեծերից մեկն է երկրում։ Տարեկան այցելում է մոտ 1,5 մլն մարդ։
Արնհեմի կենդանաբանական այգին ստեղծվել է 1913 թվականին գործարար Յոհան Բուրգերի կողմից, Նիդերլանդների արթևելքում գտնվող Գելդերլանդի մարզի Մոնֆերլանդի համայնքի տարածքում: Այստեղ էր գտնվում նրա մասնավոր հավաքածուն վայրի կենդանիների բաց հասարակության համար: Քանի որ կենդանաբանական այգին գտնվում էր շրջակա բնակավայրերից զգալի հեռավորության վրա, 1923 թվականին այն տեղափոխվել է դեպի Հենդերլանդի նահանգի Արնհեմ քաղաքը` միաժամանակ զգալիորեն ընդլայնելով իր տարածքը: Տարածաշրջանում նման մեծ աճի շնորհիվ հնարավոր դարձավ ազատ տեղեր ստեղծել կենդանիների համար, որոնցում գիշատիչներն այլևս չեն պահվում վանդակում:
Նիդերլանդներում առաջին անգամ այստեղ է օգտագործվել գերության մեջ վայրի կենդանիների պահելու այս մեթոդը: Երկրորդ համաշխարհային պատերազմի ժամանակ կենդանաբանական այգին լուրջ վնասներ էր ստացել, հատկապես 1944 թվականի սեպտեմբերին Արնհեմի ճակատամարտի արդյունքում։ Շատ կենդանիներ մահացան, գրեթե բոլոր կցամասերը ավիրվեցին: Պատերազմից հետո համալիր և բազմաթիվ վերականգնողական աշխատանք է կատարվել կենդանաբանական այգու վերակառուցման և վերազինման համար: 1968 թվականին այստեղ բացվել է Եվրոպայի մայրցամաքային մասի առաջին Սաֆարի պարկը, 1971 թվականին` «Շիմպանզեների հողը», այնուհետև առանձին տարածքներ` գորիլա և անտառային գայլեր, ինչպես նաև տաճարներ` Աֆրիկայի և Հարավարևելյան Ասիայի ջունգլիների կենդանիների, բույսերի թռչունների համար:
Այժմ կենդանաբանական այգին ընդգրկում է ավելի քան 45 հեկտար տարածք, որտեղ ապրում է ավելի քան 3000 կենդանի: Զգալի տարածքը զբաղեցնում է Սաֆարի պարկը, որը, սակայն, փակ է ավտոբուսների և ավտոմեքենաների համար: Այցելուները կարող են դիտել գիշատիչներին հատուկ սարքավորված բլուրներից և կամուրջներից: Բացի այդ, այստեղ պահպանված է այգի, որն արտացոլում է Արիզոնայի և Հյուսիսային Մեքսիկայի չոր բնական անապատի բնույթը: 2000 թվականին բացվեց ակվարիում, որը բաղկացած էր 11 լողավազանից` 8 միլիոն լիտր ծովի ջրի տարողությամբ: Այցելուները հնարավորություն ունեն թափանցիկ հսկա ապակիով հետևել ստորջրյա աշխարհին: Մանգրենի ջունգլիների տաղավարը նույնպես կառուցվել է իր հազվագյուտ բնակիչների՝ ծովային կովերի և ներսում ճոճվող արևադարձային թիթեռների հավաքածուի համար: