Չիկագոյի Առևտրի պալատի շենք (անգլ.՝ Chicago Board of Trade Building), երկնաքեր Չիկագոյում` ԱՄՆ-ի Իլինոյս նահանգում: 1930 թվականից մինչև 1965 թվականը հանդիսանում էր Չիկագոյի ամենաբարձր շենքը: 1978 թվականի հունիսի 16-ին շենքը ներառվել է ԱՄՆ պատմական վայրերի գրանցամատյանում: Շինությունն ի սկզբանե կառուցվել է միայն Չիկագոյի առևտրի պալատի համար, որը 2007 թվականին միավորվել է Չիկագոյի ապրանքային բորսաի հետ:
Շենքի գագաթը զարդարված է հին հռոմեական դիցաբանության պտղաբերության Ցերերա աստվածուհու քանդակով, պատրաստված է չժանգոտվող պողպատից: Քանդակի ընտրությունը պատահական չէր: Չիկագոյի ապրանքային բորսաի շենքում է իրականացվում հացահատիկի ամենամեծ առևտուրը:
Չիկագոյի առևտրի պալատի շենքը բազմիցս օգտագործվել է տարբեր ֆիլմերի նկարահանումներում: Օրինակ, այն օգտագործվում է որպես Ուեյն Էնտերպրայզ ընկերության գլխամասային գրասենյակ «Բեթմեն։ Սկիզբը» ֆիլմում: Շենքը ֆիլմի սկզբում հստակ երևում է Գոթամի համայնապատկերում՝ Ուիլիս-թաուերի և Ամերիկյան հեռախոսային և հեռագրական ընկերության կենտրոնի հետ միասին:
Բացի այդ, շենքն օգտագործվել է հետևյալ ֆիլմերում.