Չինկվե-Տերրե (իտալ.՝ Cinque Terre, լիգ.՝ Sinque Tere), Իտալիայի ազգային պարկը, իր մեջ ներառում է ձեռակերտ տեռասներ և հինգ ոչ մեծ բնակավայրեր Լիգուրիա մարզի Սպեցիա գավառում։ Տարածքը գտնվում է Ռիվիերայի արևելյան կողմում: Տեղական հուշարձանները թվագրվում են միջնադարին: 1997 թվականին ընդգրկվել է ՅՈՒՆԵՍԿՕի համաշխարհային ժառանգության ցանկում:
Չինկվե-Տերրեի մարզը գտնվում է Սպեցիա քաղաքից 5 կմ դեպի արևմուտք:
Չինկվե-Տերրեի կազմում ընդգրկված են Մոնտերոսո ալ Մարե, Վերնացա, Կորնիլիա, Մանարոլա և Ռիոմաջորե բնակավայրերը: Բացի Մոնտերոսոի, մնացած բնակավայրերում արգելված է ավտոմոբիլային երթևեկությունը, իսկ Մոնտերոսոում խստ սահմանափակ է:
Չինկվե-Տերրեի կազմում ընդգրկված տեղանքը բնակեցվել է XI դարում:
1997 թվականին Չինկվե-Տերրեն Պորտովեներե քաղաքի և մոտակա կղզիների հետ ընդգրկվել է ՅՈՒՆԵՍԿՕի համաշխարհային ժառանգության ցանկում: Իտալիայի հայտնի զբոսաշրջային կենտրոններից մեկն է:
Չինկվե-Տերրեի ափերը ժայռոտ են և քարքարոտ, բացի Մոնտերոսոի ավազոտ ափերից:
Պահպանվել են միջնադարյան պաշտպանական կառույցներ ծովահեներից պաշտպանվելու համար:
Մանարոլան և Ռիոմաջորեն միացնում է գեղատեսիլ Սիրո ճանապարհը (իտալ. Via dell’Amore):
Խոհանոցը հիմնականում կազմված է ծովամթերքից, աճեցվում են նաև խաղող և ձիթապտուղ, արտադրում են գինի և Լիկյոր:
Չինկվե-Տերրե Վիքիպահեստում |