Էմպորիոն (նաև Էմպորի), (կատ.՝ Empúries, իսպ.՝ Ampurias), ամենահին, հին հունական գաղութն է Պիրենեյան թերակղզում։ Քաղաքի ավերակները գտնվում են Կատալոնիայի Սան Մարտի դ'Ամպուրիաս մունիցիպալիտետի տարածքում։
Քաղաքը հիմնադրվել է մոտավորապես Մ․թ․ա․ 575 թվականին հույներ գաղութատերերի կողմից, ովքեր հոնիական Փոկեյա (Ֆոկեյա) քաղաքից էին։ Մինչ Մ․թ․ա․ 500 թվականը քաղաքը գտնվում էր Մասիլիա (ներկայումս՝ Մարսել) գաղութի տիրապետության ներքո, իսկ հետ այն դարձավ առանձին քաղաք-պետություն։
Մ․թ․ա․ 218 թվականին Հին Հռոմը Իսպանիայի գրավումը սկսեց Էմպորիոն քաղաքից։ Երկրորդ Պունիկյան պատերազմի ժամանակ այստեղ են ներխուժել հռոմեական զորքերը՝ զորավար Պուբլիոս Կորնելիոս Սցիպիոնի գլխավորությամբ։
Գաղութի գլխավոր աստվածները եղել են Զևսը և Ասկլեպիոսը։
Քաղաքը գոյատևեց մինչև 16-րդ դար։ Էմպորիոնը Կատալոնիայի առաջին քաղաքն էր, որտեղ սկսեցին հատել տեղական մետաղադրամներ՝ դրախմներ։