Էրազմի կամուրջը (հոլ.՝ Erasmusbrug), կայմապարաններով կամուրջ, որն անցնում է Մաաս գետի վրայով։ Գտնվում է Ռոտերդամ քաղաքի կենտրոնում։ Ծովի կողմից առաջին կամուրջն է: Իր անսովոր դիզայնի և նշանավոր ասիմետրիկ խարիսխի շնորհիվ արագ դարձավ քաղաքի խորհրդանիշներից մեկը («Կամուրջ Կարապ»):
Կամրջի նախագիծը ներկայացրել է ճարտարապետ Վան Բերկելը: Կամրջի երկարությունը 802 մետր է, իսկ պիլոնի բարձրությունը` 139 մետր:
Գետի հարավային մասում, որը քաղաքի կենտրոնից ավելի հեռու, գտնվում է բացովի կամուրջ, որը համարվում է Արևմտյան Եվրոպայի ամենամեծն ու ամենածանրը: Կամրջի շինարարության վրա ծախսվել է ավելի քան 163 միլիոն եվրո։ 1996 թվականի սեպտեմբերի 6-ին կամուրջը պաշտոնապես բացվել է և անվանվել Թագուհի Բեատրիկս: 1996 թվականի հոկտեմբերին կամուրջը սպասարկում էր միայն ավտոմոբիլային երթուղին: Սակայն, շուտով պարզ դարձավ, որ Էրազմի կամուրջը բավականաչափ դիմացկուն չէ: Այդ իսկ պատճառով որոշում կայացվեց կամուրջը ամրացնելու նպատակով ավելացնել լրացուցիչ ամուր ձգաձողեր: