Հոլոքոստի ավստրիացի հրեա զոհերին նվիրված հուշարձան (գերմ.՝ Mahnmal für die österreichischen jüdischen Opfer der Schoah), հուշահամալիր Վիեննայում, որը նաև հայտնի է որպես «Անանուն գրադարան»։ 2000 թվականին բացված հուշարձանը տեղակայված է Յուդենպլաց հրապարակում Վիեննայի առաջին շրջանում։ Հոլոքոստի ավստրիացի զոհերին նվիրված հուշահամալիրը ստեղծել է բրիտանացի նկարչուհի Ռեյչել Ուայթրեդը։
Հուշահամալիրի գաղափարը պատկանել է հայտնի ավստրիացի քաղաքական գործիչ և նացիստների որսորդ Սիմոն Վիզենտալին, որը կորցրել էր իր ընտանիքը նացիստական համակենտրոնացման ճամբարներում։ Վիզենտալը հանրայնորեն իր անհամաձայնությունն է հայտնել Պատերազմի և ֆաշիզմի դեմ համալիրի գաղափարին Ալբերտինապլացում՝ ստեղծված Ալֆրեդ Հրդլիչկայի կողմից 1988 թվականին։ Համալիրը, ըստ քաղաքական գործչի, ներկայացրել է Հոլոքոստի զոհերին «անարժան լույսով»։ Վիզենտալը դարձել է Ավստրիայում նացիստական ռեժիմի հրեա զոհերին նվիրված նոր հուշահամալիրի վերակառուցման հանձնաժողովի նախաձեռնողը։ Հուշահամալիրը կառուցվել է քաղաքի միջոցներով այն ժամանակ, երբ Ռեյչել Ուայթրեդի նախագիծը միաձայն ընտրվել է Հանս Հոլայնի ղեկավարությամբ միջազգային ժյուրիի կողմից ներկայացված նախագծերում հաշվի էին առնվել ինչպես Յուդենպլացի տեղամասի տեխնիկական սահմանափակումները, այնպես էլ հուշագրերում սպանված ավստրիացի հրեաների՝ համակենտրոնացման ճամբարների ներառման անհրաժեշտությունը