Իշխանական պալատ (խորվ.՝ Knežev dvor), պատմական և ճարտարապետական հուշարձան Դուբրովնիկում, Խորվաթիա:
Պալատը, որը կառուցվել է գոթական ճարտարապետության խառը և վաղ Վերածննդի ոճերով, կառուցվել է XV դարում որպես իշխանի ապրելու վայր: Ամեն ամիս Դուբրովնիկի հանրապետության վարչության անդամներից մեկը ընտրվում է իշխան և բնակություն է հաստատում պալատում։ Ամրոցի մուտքի մոտ գրված է.
Մոռացեք ձեր անձնական գործերը, մտածեք պետության մասին |
ընդ որում՝ ինքը իշխանը չէր կարող դուրս գալ շենքից անձնական գործերով, այլ միայն իր անմիջական պարտականությունների կամ հիվանդությունների դեպքում: Պալատում տեղակայված է եղել բնակելի սենյակներ իշխանի համար, առանձնասենյակ, խորհրդակցությունների դահլիճ, դատարան, բանտ, զինապահեստ և վառոդի մառան: Ինչպես նաև այստեղ պահվում էին բանալիներ, որոնցով փակում էին քաղաքի դարպասները։
1435 թվականին պալատը մեծապես տուժեց պայթյունից և երկար ժամանակ գտնվել էր մասշտաբային վերակառուցման մեջ՝ մինչև 1463 թվականը: 1667 թվականի ուժեղ երկրաշարժի ժամանակ պալատը ևս մեկ անգամ ենթարկվել է ոչնչացման: Վնասվել էր պալատի ներքին և արտաքին զարդարանքը, որը վերակառուցելու համար պահանջվել է մոտ 30 տարի:
Պալատը ծառայել է իշխանական նստավայրին մինչև 1808 թվականը, երբ ֆրանսիացի մարշալ Օգյուստ Մարմոնը չեղյալ հայտարարեց Դուբրովնիկի հանրապետական կառավարման ձևը:
Այսօր այստեղ գտնվում է քաղաքային թանգարան, ինչպես նաև Միխո Օրացատուի հուշարձանը: