Իսիկ Կուլ (ղրղզ.՝ Ысык көл Issık Köl, թուրք.՝ Issık Göl , ռուս.՝ Иссык-Куль, չին.՝ 熱海), անհոսք լիճ Հյուսիսային Տյան Շանում, Ղրղզստանի հյուսիսարևելյան մասում, 1608 մ բարձրության վրա։ Ընկած է հյուսիսում Կունգեյ Ալթաու, հարավում՝ Թերսկեյ Ալթաու լեռնաշղթաների միջև։ Մակերեսը 6236 կմ2 է, երկարությունը 178 կմ, լայնությունը՝ մինչև 60 կմ, խորությունը՝ մինչև 668 մ (այլ տվյալներով՝ մինչև 702 մ)։
Իսիկ Կուլի մեջ է թափվում ավելի քան 50 գետ, որոնցից խոշորներն են Ջերգալան և Տյուպը։ Հիմնական նավահանգիստը Ռիբաչիե և Պրիստան Պրժևալսկ քաղաքներն են։
Անվանումը ղրղզերեն բառացի նշանակում է «տաք լիճ» (իսիկ «տաք» և կուլ «լիճ»)։ Լիճը ձմռանը չի սառչում։