Առաքելական եկեղեցին (գերմ.՝ St. Aposteln) գտնվում է Քյոլն քաղաքի Նոյմարտ (:de: Neumarkt (Köln)) շրջանում Apostelnstraße փողոցում: Եկեղեցին ունի մեկ արևմտյան և երկու արևելյան գմբեթներ: Արևմտյան գմբեթն, որն ունի 67 մետր բարձրություն Քյոլնի եկեղեցիներից իր բարձրությամբ 3-րդ տեղն է զբաղեցնում:
Այդ եկեղեցու տեղը առաջին եկեղեցական կառույցը կառուցվել է IX դարի վերջին, իսկ X դարում նրա կողքը կառուցվել է Սուրբ Առաքյալների վանքը: XI դարի առաջին կեսին Գերիբերտ արքեպիսկոպոսի կամ Պիլգրիմ արքեպիսկոպոսի ղեկավարման օրոք կառուցվել է նոր եկեղեցական կառույց: Բայց այն չէր համապատասխանում պաշտամունքի կառույցին, քանի որ երգչախումբը գտնվում էր ոչ թե արևմտյան կողմում այլ արևելյան: Այդ եկեղեցուց միայն պահպանվել են գլխավոր և արևելյան պատերը:
1150 թվականին եկեղեցին վերանորոգվեց: Առաջնահերթ երգչախումբը տեղափոխվեց արևմտյան մաս, իսկ նրա փոխարեն կառուցվեց 62 մետր գմբեթով վեստվերքը (3 գմբեթով կառույց): Կա վարկած իբրև վերակառուցումն պայմանավորված է եղել հրդեհով: Բայց պետք է հաշվի առնել այն փաստը, որ Քյոլնում XII դարում բուռն շինարարական աշխատանքներ էին կատարվում:
1192 թվականին եկեղեցին հաստատ տուժել է հրդեհից:
Շառլ-Մորիս Թալեյրանի գլխավորությամբ 1801 թվականին Ռեյնի շրջանի բոլոր եկեղեցիները պետականացվում են: Սուրբ Առաքելական եկեղեցու փակումից հետո այն դատարկության էր ենթարկվել: Նույնիսկ 1822 թվականին որոշում կար այն հիմնահատակ վերացնել, սակայն պահպանվեց և ռեստավրացիայի ենթարկվեց: 1860 թվականին եկեղեցում բացվեց քաղաքային գիմնազիա, այն գոյություն ունի մինչև մեր օրերը:
1871-1891 թվականներին եկեղեցում մասշտաբային ռեստավրացիոն աշխատանքներ էին ընթանում: Երկրորդ համաշխարհային պատերազմի ժամանակ ռմբակոծումից տուժել էր նաև եկեղեցին: Պատերազմից հետո 1957 թվականին սկզբնական շինարարական աշխատանք կատարվեց: Իսկ հիմնական ռեստավրացիոն աշխատանքները սկսվեցին 1966 թվականին և տևեցին շուրջ 40 տարի:
Քյոլնի Առաքելական եկեղեցի Վիքիպահեստում |