Կաունասի ամրոց (լիտ.՝ Kauno pilis), ռազմական կառույց, որը գտնվում է Լիտվայի Կաունաս քաղաքում:
Ըստ հնագիտական ուսումնասիրությունների՝ Կաունասի ամրոցը հիմնադրվել է 13-րդ դարում: Ամրոցը շրջափակված է եղել աշտարակավոր և բրգաձև պարիսպներով: Ներկայումս պահպանվել են ամրոցի երկու հիմնական պարիսպները:
Ամրոցն առաջին անգամ գրավոր հիշատակվել է 1361 թվականին՝ գերմանացի պատմաբան Վիգանդ ֆոն Մարբուրգի «պրուսիական հողերի խրոնիկա» աշխատության մեջ:
1362 թվականին գերմանացի կաթոլիկ հոգևոր-ասպետական Տևտոնական օրդենի զինվորները պաշարել են ամրոցը և ծանր պայքարից հետո այն ավերել: Այն վերակառուցվել է 15-րդ դարում՝ Լիտվայի մեծ իշխան Վիտովտի կողմից:
1611 թվականին փլուզվել են աշտարակները: Ներկայումս պահպանվել են կիսաքանդ ամրոցի միայն երկու հիմնական աշտարակները:
Վերջին տասնամյակում Լիտվայի Հանրապետության իշխանությունների կողմից վերականգնվել է ամրոցի տանիքը: Ամրոցում գործում է զբոսաշրջային խորհրդատվական գործակալություն:
Ծրագրվում է ամրոցի ներսում ստեղծել թանգարանային ցուցադրություն: