Կարդոնայի ամրոց (իսպ.՝ Castillo de Cardona), ռազմական կառույց՝ ամրոց Իսպանիայում: Համարվում է Կատալոնիայի գլխավոր հենակետերից մեկը, որը գտնվում է 600 մետր բարձրություն ունեցող բլրի վրա՝ Բարսելոնայի հյուսիսում (ներկայումս գտնվում է Կարդոնա քաղաքի տարածքում:
Ամրոցը հիմնադրվել է 886 թվականին` կոմս Վիլֆրեդ Մազոտի կողմից: Ամրոցի համալիրի ներսում 1040 թվականին կառուցվել է եկեղեցի:
Ժամանակի ընթացքում ամրոցը գնալով ընդարձակվել է և դարձել է Կատալոնիայի ամենամեծ ամրոցը: 17-րդ դարում Կարդոնայի ամրոցը համարվում էր կատալոնական անջատվողականության գլխավոր և հիմնական օջախներից մեկը:
1714 թվականի սեպտեմբերի 18-ին Իսպանիայի ժառանգության պատերազմի ժամանակ Կարդոնայի ամրոցը պաշարվել է Ֆրանսիայի թագավորության բանակի կողմից և այնուհետև ավերվել:
Այնուամենայնիվ ամրոցից շատ բան է պահպանվել, այդ թվում 11-րդ դարում կառուցված 15 մետրանոց զնդան: Օրսոն Ուելսը ամրոցի ներսում նկարահանել է «Ֆալստաֆ» ֆիլմը:
1949 թվականին Կարդոնայի ամրոցը պաշտպանել է պետությանը: 1976 թվականին սկսվել են լայնածավալ վերականգնողական աշխատանքներ, որը ավարտվել է 2014 թվականին Արդյունքում՝ ամրոցը ներկայումս ծառայում է որպես 106 սենյակներից բաղկացած հյուրանոց: