Կասր-իբն-Վարդան, տեղավայր Սիրիայում։ Այստեղ է վաղ բյուզանդական միակ պահպանված պալատական անսամբլը (561—564 թթ.), որը պալատի և պաշտամունքային շենքի միացման արժեքավոր նմուշ է։ Պալատը հաղորդակցվում է գմբեթավոր բազիլիկին փայտյա միջանցքով, որը պալատի երկրորդ հարկը միացնում է բազիլիկի խորին։ Հետագայում այս միջոցը կիրառվել է նաև ռոմանական, ռուսական (Վլադիմիր-Սուզդալյան) ճարտարապետության մեջ։