Կաստելո Ուրսինո կամ Ֆրիդրիխ Հոհենշտաուֆենի ամրոց (իտալ.՝ Castello Ursino), ամրոց, որը գտնվում է Իտալիայի հարավում՝ Սիցիլիա կղզու վրա:
Կառուցվել է 1239-1205 թվականներին՝ Սրբազան Հռոմի արքա Ֆրիդրիխ Հոհենշտաուֆեն կայսեր օրոք։ Սկզբում ամրոցը ունեցել է 4 թևաշենք, որոնք ամրացված էին ամուր աշտարակներով: Այն ամրացված էր բարձր ժայռի վրա և կոչված էր պաշտպանելու Սիցիլիայի արևելյան ափերը:
Կաստելո Ուրսինոն 1693 թվականի Կատանիայի երկրաշարժից հետո կանգուն մնացած եզակի շինություն է։ Չնայած նրան, որ ամրոցը հիմնովին չի ավերվել, սակայն երկրաշարժի հետևանքով ունեցել է մեծ կորուստներ։ 1818 թվականի երկրաշարժից հետո ևս լուրջ վնասներ է կրել:
Այն համարվում է 16-րդ դարի արագոնյան արքաների թագավորանիստ ամրոցը: վերածննդի դարաշրջանում՝ 17-րդ դարում, այն վերակառուցվել է ժամանակաշրջանի ճարտարապետական ոճով։
Ամրոցը 1837 թվականին վերածվում է բատնի: 20-րդ դարի 30-ական թվականների ամրոցը ռենթարկվում է ռեստավրացիայի: Ներկայումս ամրոցը ծառայում է որպես բացօդյա թանգարան։ Նրա մեջ ներկայացված են հին հունական և բյուզանդական շրջանների հնագիտական գտածոներ, ինչպես նաև սիցիլիական արվեստի ցուցանմուշներ: