Կաստորիա (լիճ), Օրեստիաս (հուն․՝ Λίμνη Καστορίας կամ Λίμνη Ορεστιάδα), լիճ Հունաստանում, որը գտնվում է արևմտյան Մակեդոնիայի Կաստորիայի (Հունաստան) հատվածում: Լիճն իր անունն ստացել է լեռնային նիմփաների՝ օրեադների անունից:
Լիճը գտնվում է ծովի մակարդակից 625-630 մետր բարձրության վրա: Լճի արևմտյան մասում կա թերակղզի, որի վրա գտնվում է Կաստորիա քաղաքը:
Լճի տարածքը կազմում է 28 կմ², ծավալը մոտ 100 մլն մ³, իսկ խորությունը հասնում է 9-10 մետրի: Լճի մեջ թափվում են 9 փոքր գետեր: Ենթադրվում է, որ լիճը ձևավորվել է մոտ 10 միլիոն տարի առաջ՝ միոցենում:
Արևմուտքից Կաստորիա թերակղզին լիճը բաժանում է երկու մասի`մեծ հյուսիսային և փոքր հարավային:
Լճի մեջ կան տարբեր տեսակի ձկներ ու կուղբեր, որից լիճը ստացել է իր անվանումը՝ Կաստորիա: Լճի մոտակայքում բնակվում են այնպիսի թռչուններ, որոնք կերակրվում են լճի ձկներով (կվակվա, շիկակարմիր տառեղ, մոխրագույն տառեղ, սպիտակ արագիլ, գետային ջրածիծառ, կարապ, հավալուսն, ):
Լճի ափին է գտնվում 11-րդ դարի Մավրիոտիսի եկեղեցին, որը համարվում է հունական ուղղափառության հուշարձաններից մեկը:
Կաստորիա այցելող զբոսաշրջիկները անպայման շրջայց են կատարում լճի ափերով: