Կոլմանսկոպ (աֆրիկաանս՝ Kolmanskop գերմ.՝ Kolmannskuppe) քաղաք-ուրվական Նամիբիայում, որը գտնվում է Նամիբ անապատում՝ Լյուդերիցից և Ատլանտյան ափից 10 կմ հեռավորության վրա:
1908 թվականին Զաքարիս Լեվալը, ով այն ժամանակ երկաթգծի աշխատող էր, ավազի մեջ ադամանդի փոքրիկ հատիկներ հայտնաբերեց: Հայտնաբերվածը հանձնվեց Օգոստոս Շտաուխին: Նա ենթադրեց, որ հովտի երկայնքով որտեղ հայնտաբերվեցին ադամանդները, քամին ավազը բերում է Օրանժ գետի մոտակայքից Նամիբ անապատից դեպի հյուսիս: Հենց այնտեղ փոքրիկ ադամանդները գետը քշում է օվկիանոս և ապա ալեծոփությամբ ափ է տեղափոխվում ավազի հետ մեկտեղ:
Մի քանի տարի անց քաղաքում մեծ տներ, դպրոցներ, հիվանդանոցներ և մարզադաշտ կառուցվեց: Իսկ ևս մի քանի տարի անց քաղաքը վերածվեց գերմանական օրինակելի քաղաքի: Սակայն ադամանդի պաշարներն արագ սպառվեցին: Ինչպես նաև պարզվեց, որ քաղաքում դժվար է ապրել. ջուր չկա, մրրկահողմեր: Մի քանի տարուց բնակիչները լքեցին քաղաքը:
Այդ օրից Կոլմանսկոպն այդպես էլ կանգնած է լքված վիճակում անապատի կենտրոնում: Տների մեծ մասն գրեթե լրիվությամբ ծածկված են ավազով: Թեպետ նամիբիացիները վերջին տասնամյակներում վերականգնեցին որոշ շենքեր, փորձում են քաղաք-թանգարանը լավ վիճակում պահել և էքսկուրսիաներ են կազմակերպում այստեղ: