Լառնակա միջազգային օդանավակայան (հուն.՝ Διεθνής Aερολιμένας Λάρνακας; թուրք.՝ Larnaka Uluslararası Havaalanı) (IATA: LCA, ICAO: LCLK) միջազգային օդանավակայան Լառնակայի հարավ-արևմտյան մասում։ Լառնակայի միջազգային օդանավակայանը Կիպրոսի գլխավոր միջազգային դարպասն է և հանդիսանում է երկրի երկու ամենամեծ կոմերցիոն օդանավակայաններից մեկը, մյուսը Պաֆոսի միջազգային օդանավակայանն է։
Օդանավակայանն ունի մեկ հիմնական ուղևորատար տերմինալ։ Մեկնումները կարգավորվում են վերևի հարթակում, ժամանումները՝ ներքևի։ Գործում է նաև երկրորդ «VIP տերմինալը», որը օգտագործվում է պետության ղեկավարների այցերի, մասնավոր ընկերությունների և բեռների համար։