Լուցկի կենդանաբանական այգի (ուկր.՝ Луцький зоологічний парк), կենդանաբանական այգի և գիտահետազոտական կենտրոն, որը գտնվում է Ուկրաինայի Լուցկ քաղաքում։
Ի տարբերություն Ուկրաինայի մյուս առաջատար կենդանաբանական այգիների՝ Լուցկի քաղաքային գազանանոցի կենդանատեսակներն այդքան էլ բազմազան չեն։ Գիտահետազոտական կենտրոնում ներկայացված են Ուկրաինայի և արտասահմանյան ֆաունայի 42 տեսակներ, ընդհանուր առմամբ՝ 88 կենդանի (կաթնասուն, սողուն, երկկենցաղ) և 35 թռչուն։
Այգում ներկայացված են նաև արևադարձային ֆաունայի այնպիսի ներկայացուցիչներ, ինչպիսիք են օրինակ առյուծները, արջերը, ազնիվ եղջերուները, բիզոնները, այծքաղներ, ուղտայծներ, բազմապիսի պրիմատներ, սիրամարգներ, սև կարապներ և այլն։
Լուցկի կենդանաբանական այգին համագործակցում է Լեհաստանի բնապահպանական ասոցացիայի հետ։ Այդ համագործակցության շրջանակներում նախատեսվում է Լուցկի կենդանաբանական այգում կառուցել առյուծների, արջերի և շնագայլների անասնաբուժական կլինիկաներ՝ կենդանիների սննդառության և տրանսպորտային փոխադրման համակարգերի բարելավման նկատառումներով։
