Լվովի Կուրուշելնիցկայի անվան օպերայի և բալետի ազգային ակադեմիական թատրոն, թատրոն Լվովում: Հասցե` Լվով, Սվոբոդի պողոտա, 28:
Քաղաքային թատրոնի համար առանձին շենքի անհրաժեշտությունը հատկապես նկատելի էր 19-րդ դարի վերջում: Այդ ժամանակ Լվովը մտնում էր Ավստրո-Հունգարական կայսրության կազմի մեջ: Պաշտոնապես կոչվում էր Լեմբերգ և ավստրիական խոշոր գավառ Գալիցիայի թագավորություն և Լոդոմերիայի մայրաքաղաքն էր: 1895 թվականին հայտարարվել էր մրցույթ, որում հաղթել է Լվովի բարձրագույն գեղարվեստա-արդյունաբերական դպրոցի տնօրեն Զիգմունթ Գորգոլևսկիի նախագիծը: Նա համարձակ առաջարկ էր ասել նոր թատրոնի շինարարության վայրի վերաբերյալ: Քանի որ այդ ժամանակ քաղաքի կենտրոնում իրականացնում էին վերականգնողական աշխատանքներ, ըստ նախագծի նախատեսվում էր ծածկել գետի այդ հատվածը: Գորգոլևսկին վերահսկել է բոլոր հողային և շինարարական աշխատանքները: Հիմնական բեռը ընկավ Լվովի ընկերության ինժեներ Լևինսկոյի վրա: Շինարարությունը սկսվել է 1897 թվականի հունիսին և տևել է գրեթե երեք տարի:
Քաղաքային մեծ թատրոնը բացվել է 1900 թվականի հոկտեմբերի 4-ին (այսպես էր կոչվում Օպերային թատրոնը մինչ 1939 թվականին): Հանդիսավոր բացմանը մասնակցում էին գրող Հենրիկ Սենկևիչը և կոմպոզիտոր Իգնացի Յան Պադերևսկին: Այդ երեկո թատրոնում ցուցադրեցին Վլադիսլավ Ժելենսկիի «Янек» օպերան՝ Վերխովինայի բնակիչների կյանքի մասին:
1934 թվականին թատրոնը փակվեց տնտեսական ճգնաժամի պատճառով: 1939 թվականին Արևմտյան Ուկրաինայում տեղի ունեցան ժողովրդական հավաքներ, որոնք աջակցեցին Գալիցիայի և Վոլինի միացումը Ուկրաինային: Թատրոնը վերաբացվեց 1939 թվականին և կոչվեց Լվովի պետական օպերայի թատրոն: 1940-1941 թվականներին Լվովի օպերան շտապ ուկրանիացվեց և լեհերենը դուրս եկավ օգտագործումից: 1944 թվականի հուլիսի 22-ին Լվովի օպերայի թատրոնը կարող էր և չլիներ: Լվովի կատաղի մարտերի պատճառով գերմանացիները որոշել են ականապատել և պայթեցնել Լվովի օպերայի թատրոնը: Այս տեղեկատվությունը հասել է մինչև Ուրալի կամավորական տանկային կորպուսի հրամանատարությանը:
1956 թվականին ստացել է Իվան Ֆրանկոյի անունը, իսկ 1966 թվականին՝ ակադեմիական կոչում: 1970-ականների վերջում այն փակվել էր վերականգնման համար և վերաբացվել է 1984 թվականին: 1996 թվականին այստեղ տեղի է ուեցել Կենտրոնական և Արևելյան Եվրոպաների նախագահների հանդիպումը:
2000 թվականին թատրոնը տոնեց իր 100-ամյակը և որոշվեց թատրոնը անվանել հայտնի օպերային երգչուհի Սոլոմիա Կրուշելնիցկոյի անունով:
2008 թվականին թատրոնը դարձավ «Օպերա Եվրոպա» ասոցիացիայի անդամ։
Լվովի օպերայի և բալետի թատրոնը բաղկացած է․
Թատրոնի խաղացանկը բաղկացած են ավելի քան 50 օպերաներից և բալետներից: