Մակարսկա (խորվ.՝ Makarska), առողջարանային քաղաք Խորվաթիայի հարավում՝ Դալմաթիայի պատմական երկրամասի Սպլիտսկո Դալմատինսկա ժուպանությունում:
Տեղակայված է Ադրիատիկ ծովի ափին՝ Սպլիտսկո Դալմատինսկայի վարչական կենտրոն Սպլիտից 60 կմ և Դուբրովնիկից՝ 140 կմ հեռավորության վրա:
Տարածքը ամբողջովին գտնվում է ծովեզրի վրա: Ամենաբարձր կետը Սուրբ Յուրիի լեռն է՝ 1762 մետր բարձրությամբ:
Կլիման միջերկրածովային է: Քաղաքի կլիմայի ձևավորման գործում կարևոր ազդեցություն ունի Ադրիատիկ ծովը: Տարվա ամենատաք եղանակը ամառն է: Միջին ամառային ջերմաստիճանը` 26 աստիճան:
Ըստ 2011 թվականի մարդահամարի տվյալների՝ քաղաքի բնակչությունը կազմում է 13 716 մարդ: Հիմնական բնակիչները խորվաթներն են, որոնք կազմում են ամբողջ քաղաքի բնակչության 96 %-ից ավելին:
Կան նաև մեծ քանակությամբ սերբեր: Բնակչության հիմնական մասը խոսում է խորվաթերենով և դավանում կաթոլիկություն:
Մակարսկան Խորվաթիայի կարևորագույն առողջարաննեից մեկն է: Զբոսաշրջությունը համարվում է քաղաքի տնտեսության գլխավոր ճյուղերից մեկը:
Քաղաքի հին թաղամասում գտնվում է նավահանգիստ: Կան բազմաթիվ հյուրանոցներ, սրճարաններ և խանութներ: