Մանկության թանգարան (անգլ.՝ V&A Museum of Childhood), գտնվում է Բեթնալ Գրինում՝ Լոնդոնի Իստ Էնդում, հանդիսանում է Վիկտորիայի և Ալբերտի թանգարանի մասնաճյուղը: Վիկտորիայի և Ալբերտի թանգարանը Միացյալ Թագավորության դեկորատիվ-կիրառական արվեստի ազգային թանգարանն է:
Թանգարանը հիմնադրվել է 1872 թվականին՝ որպես «Bethnal Green Museum»: Երկաթե շինությունը վերօգտագործել է նախապատրաստված շենք Ալբերտոպոլիսից, որը փոխարինվել էր ժամանակակից V&A համալիրի որոշակի վաղ մասերով: Շինության արտաքին տեսքը նախագծվել էր Ջեյմս Ուիլյամ Վայլդի կողմից կարմիր աղյուսով Rundbogenstil (կլոր կամարաձև) ոճով, որը շատ նման է այն ոճին, որն առկա է ժամանակակից Գերմանիայում: Շենքը օգտագործվել է տարբեր ժամանակների բազմազան հավաքածուներ ցուցադրելու համար, ներառյալ այն աշխատանքները, որոնք հիմա կարելի է տեսնել Ուոլլեսի հավաքածուում: 1920-ական թվականներին այն սկսեց կենտրոնանալ երեխաների համար նախատեսված ծառայությունների վրա, և 1974 թվականին V&A ընկերության տնօրեն պարոն Ռոյ Սթրոնգն այն սահմանեց որպես հատուկ մանկական թանգարան:
Բոլոր մասնաճյուղերից Bethnal Green Museum-ն ունի մանկական առարկաների ամենամեծ հավաքածուն Միացյալ Թագավորությունում:
Թանգարանի առաքելությունն է. «Հնարավորություն տալ բոլորին՝ հատկապես երիտասարդներին, ուսումնասիրել և վայելել նախագծված աշխարհը, մասնավորապես առարկաներ պատրաստված երեխաների համար և երեխաների կողմից»: Այն ունի խաղալիքների, մանկական սարքավորումների և հագուսների ընդարձակ հավաքածուներ և բեմադրում է ժամանակավոր ցուցահանդեսների ծրագրեր:.
Թանգարանը փակվեց 2005 թվականի հոկտեմբերին լայնածավալ վերանորոգման երկրորդ փուլի համար՝ £4.7 միլիոն արժողությամբ: Այն վերաբացվեց 2006 թվականի դեկտեմբերի 9-ին: Փոփոխությունները ներառում էին նոր առջևի մուտք, պատկերասրահ, ցուցադրումներ և սրճարան:Թանգարանի ներսում կար թուջե արձան, որի քանդակագործն էր Ջոն Բելլը (1811-1896): Այն սկզբնապես եղել էր 1851 թվականի Համաշխարհային ցուցահանդեսում: «Արծիվ սպանողը» ցույց է տալիս մի հմուտ նշանաձիգի՝ արծվին կրակելիս, որը սպանել է իր ոտքերի մոտ ընկած գառնուկին: Այս արձանն այժմ տեղափոխվել է Coalbrookdale թանգարանի մուտքի մոտ, քանի որ այն ստեղծվել էր Coalbrookdale ձուլարանում:
| Ծառայություն | Կայարան/Կանգառ | Երկրորդ կանգառ | Սպասարկող գծեր երթուղիներ | Հեռավորությունը Մանկության թանգարանից |
|---|---|---|---|---|
| Լոնդոնի ավտոբուսներ | Bethnal Green Station | Կանգառ Ա | 106, 254, 309, 388, D3, D6 | |
| Կանգառ Բ | 8, 309, D6 | |||
| Կանգառ Դ | 8, 388, D3 | |||
| Old Ford Road | Կանգառ Գ | 106, 254, 388, D6 | ||
| Լոնդոնի մետրոպոլիտեն | Bethnal Green | |||
| Լոնդոնի երկաթուղի | Cambridge Heath | London Overground | 400 մետր քայլելով |
