Մեծ պալատ (ֆր.՝ Grand Palais), փառահեղ ճարտարապետական կառույց «beaux-arts» ոճով, գտնվում է Փարիզի 8-րդ շրջանում, Ելիսեյան դաշտերից ձախ: Հայտնի է որպես խոշոր մշակութային և ցուցադրական կենտրոն:
«Գեղեցիկ արվեստների մեծ պալատը» ստեղծվել է 1897 թվականին Փարիզում, Արդյունաբերության պալատի տեղում` միջազգային ցուցադրության համար, որը պետք է տեղի ունենար 1900 թվականի ապրիլի 15-ից նոյեմբերի 12-ը: Շենքը, ինչպես ասում են, նվիրված էր ֆրանսիական արվեստի փառքին և ի սկզբանե նախասահմանված էր մայրաքաղաքի պաշտոնական մշակութային միջոցառումների ընդունման համար:
1925 թվականին Մեծ պալատը ժամանակակից դեկորատիվ և կիրառական արվեստների միջազգային ցուցադրությունների կենտրոն էր:
Ջորջ Ռեսիպոնի պղնձե մարտակառքի աշխատանքները զարդարում են երկու մուտքը` հյուսիս-արևելյան և հարավ-արևելյան: Այդ այլաբանական արձանները ներկայացնում են ` Ելիսեյան դաշտերի կողմից` «L’Immortalité devançant le Temps» (անմահություն), Սենայի կողմից` «L’Harmonie triomphant de la Discorde» (ներդաշնակություն):
Պալատի հյուսիսային թևը զբաղեցնում է Գեղարվեստի պատկերասրահը, իսկ արևմտյան թևը` Հայտնագործությունների թանգարանը:
