Մինիաթյուրք (թուրք.՝ Miniatürk), մանրակերտերի այգի, որը գտնվում է Ստամբուլի Սյութլյուջե թաղամասում՝ Ոսկեղջյուրի ափին: Այգու տարածքում, որն ունի ավելի քան 60 000 մ² տարածք, գտնվում են Թուրքիայի և այլ երկրների տարածքներում գտնվող պատմամշակութային կառույցների մանրակերտեր: Այգում գործում է երկաթգծի, շարժվող տրանսպորտային միջոցներով ավտոգծի, ինքնաթիռների մոդելներով օդանավակայանի, ջրանցքներով հոսող նավերի մանրակերտեր:
Այգում առկա են ավելի քան 100 մանրակերտեր, որտեղ կարելի է տեսնել Այա Սոֆիայի տաճարը, Գալաթայի աշտարակը, Կույսի աշտարակը, Բոսֆորի կամուրջը, Կապույտ մզկիթը, Սուլեյմանիե մզկիթը, Թոփքափը ամրոցը, Դոլմաբահչեն, Կոստանդնուպոլսի պարիսպները և այլն:
