Բոստոնի գեղարվեստի թանգարան (անգլ.՝ The Museum of Fine Arts)՝ ԱՄՆ-ի խոշորագույն կերպարվեստի թանգարաններից մեկն է:
Հիմնադրվել է 1870 թվականին: Մասնաճյուղ ունի Նագոյայում (Ճապոնիա) :
Թանգարանի հավաքածուն իր մեծությամբ երկրորդն է Հարավային և Հյուսիսային Ամերիկայում, զիջելով Նյու Յորքի Մետրոպոլիտենին: Ներկայումս թանգարանի տնօրենը Մալկոլմ Ռոջերսն է (անգլ.՝ Malcolm Rogers):
Թանգարանը բացվել է 1876 թվականին նեոգոթիկյան շենքում, նախագծված Ջոն Ստուրգիսի կողմից: Հավաքածուի հիմքում ընկած է Բոստոնի գրադարանի հավաքածուն:
Ներկայիս շենքը, տեղափոխվել են 1909 թվականին, այն գտնվում է Հանտինգտոն ավենյուում (անգլ.՝ Huntington Avenue), կառուցվել է ճարտարապետ Հայ Լոուելի կողմից նեոդասական ոճով: Թանգարանի նախագծման մեջ մասնակցել է նկարիչ Ջոն Սինգերը: Թանգարանի հավաքածուի մեջ են գտնվում նրա առավել հայտնի աշխատանքները, այդ թվում 1882 թվականին վրձնած «Էդվարդ Դարլի Բոյտի դուստրերը» կտավը:
1970-ական թվականների վերջին, երբ ցուցադրանմուշների թիվը հատեց 450 հազարը, որոշում ընդունվեց կառուցել արևմտյան թևը: