Մյոսվաթն (նորվ.՝ Møsvatn), Նորվեգիայի իր մեծությամբ 11-րդ լիճը: Մակերեսը 78,4298 կմ² է: Գտնվում է երկրի հարավ-արևելքում, մեծ մասը Տելեմարկ ֆյուլքեյի Վինե կոմունայում, իսկ 5,5 կմ²-ը Սունդետու կոմունայում: Լճի ջրերը գետերի միջոցով հոսում են Տինշյո լիճ: Մյոսվաթն անվանման ծագումը հայտնի չէ: Ենթադրվում է, որ այն կապված է Մոնե գետի հետ:
Լիճը ունի ոչ հավասարաչափ եզրագիծ: Այն նման է 3 հատ մեկնած բաց ձեռքի: Առավելագույն երկարությունը 40 կմ է: Մտնում է Հանդարվեգինտա ազգային պարկի մեջ: Ափի երկայնքով առկա են բազմաթիվ պատմական հուշարձաններ, որոնք վերաբերվում են նախամարդու կենցաղին: Ափամերձ տարածքներում նաև տեղակայված են Նորվեգիայի մի քանի խոշոր բարձրալեռնային ֆերմաներ: Հանդիսանում է զբոսաշրջային երթուղիների կարևորագույն հանգույց: Այն նաև ուղևորափոխադրումների և բեռնափոխադրումների կարևոր անցում է:
1903թ.-ին նորվեգացի ինժեներ-շինարար Ուլավ Հեգսթադը սկսեց լճի վրա ամբարտակի կառուցումը, որպեսզի այն վերածվի ջրամբարի: 1904-1906թթ.-ին արդեն հնարավոր եղավ արհեստական ձևով կարգավորել լճի մակարդակը:
1942թ.-ի նոյեմբերի 19-ին ֆաշիստա-գերմանական արդյունաբերությանը վնաս հասցնելու շրջանակներում անգլիական դիվերսիոն ստորաբաժանումները վայրէջք են կատարել լճի սառույցապատ մակերեսին և խափանեցին գերմանացի գիտնականների կողմից միջուկային զենքի պատրաստմանը:
Լճի մոտակայքում են գտնվում թանգարաններ և զբոսաշրջային տեղեկատվական կենտրոններ: