NEMO (անգլ.՝ NEMO Science Museum), Նիդերլանդների խոշորագույն գիտական թանգարանը, կատուցվել է Ռենցո Պիանոյի նախագծով։ Գտնվում է մայրաքաղաք Ամստերդամում, Կենտրոնական կայարանից և Ծովային թանգարանից աջ։
ՆԵՄՈ թանգարանն առաջացել է Աշխատանքի թանգարանի բազայի հիման վրա, որը գոյություն է ունեցել 1920-1930 թվականներին, և 1950-1960-ականներին կոչվել է Արդյունաբերության և տեխնոլոգիաների հոլանդական ինստիտուտ։ Մինչև 1980-ական թվականները ծագել է կրթական թանգարան հիմնադրելու միտքը․ թանգարանը պետք է հետաքրքրություն առաջացներ գիտության և տեխնոլոգիաների նկատմամբ վաղ տարիքից։ 6 տարի անց, Նիդերլանդների թագուհի Բեատրիքսի մասնակցությամբ բացվեց «Նոր մետրոպոլիս» անունով թանգարանը։
Երկու տարի անց թանգարանը կանգնեց ֆինանսական խնդիրների առջև, և արդյունքում սնանկացավ։ Այնուհետև հաջորդեցին որոշակի վերակազմակերպումներ, թանգարանը սկսվեց կոչվել «Գիտության և տեխնոլոգիաների ազգային կենտրոն»։
Թանգարանի ցուցանմուշներից շատերը ստեղծվում են աշխատակիցների կողմից՝ ձեռքի տակ եղած նյութերից և նախատեսված են ձեռք տալու համար, քանի որ հենց դա է բացատրում, թե ինչպես է կառուցված աշխարհը։ Թանգարանում կա ՆԵՄՈ-թատրոն, որտեղ անցկացվում են ցուցահանդեսներ, շնորհանդեսներ, դասախոսություններ։
Շնորհիվ Ռենցո Պիանոյի մտահաղացման՝ թանգարանի ներսում կան օդափոխման խողովակներ, պողպատե ծածկեր և շենքի ֆունկցիոնալ այլ դետալներ։
Թանգարանի աստիճանային տանիքից, որտեղ կարել է հասնել թանգարանի չորրորդ հարկից, բացվում է տեսարան դեպի հին քաղաք։ Սա Ամստերդամի միակ բարձրահարկ շենքն է, որտեղից բացվում է նման տեսարան։
Շինությունը ոչ միշտ է եղել կանաչ․ 1997 թվականից պղինձը աստիճանաբար պատվել է պատինայով։