Նոր ամրոց Գրոդնոյում, նոր արքայական պալատ Գրոդնոյում` Հին ամրոցի մոտ: 1734-1751 թվականներին` լեհ թագավոր և լիտվական մեծ իշխան Օգոստոս 3-րդի կառավարման ժամանակ, եղել է լեհական թագավորների և լիտվական մեծ իշխանների ամառային աթոռանիստը` Կառլ Պյոպելմանի նախագծով: Ամրոցի աշխատանքներին մասնակցել են նաև Յոհան Կնյոբելը, Դանիել Յաուխը, իսկ մինչև 1789 թվականը`Ջուզեպե դե Սակկոն: Այստեղ անցկացվել են նաև Ռեչ Պոսպոլիտայի սեյմերը:
Այդ շենքում վերջին սեյմի ժամանակ 1793 թվականին Ռեչ Պոսպոլիտայի կողմից կնքվեց պայմանագիր՝ Ռեչ Պոսպոլիտայի, Ռուսաստանի և Պրուսիայի բաժանման մասին, իսկ 1795 թվականին լեհաստանի թագավոր և լիտվայի իշխան Ստանիսլավ Օգոստոս Պոնյատովսկին ստորագրեց ակտի ժխտման տակ: Թագավորը այնտեղ ապրում էր մինչև 1797 թվականը:
Պալատի մի մասում թագավորական պալատներ էին, իսկ մյուս մասում՝ սենյակներ, նախատեսված սեյմի նիստերի համար: Սեյմի կարիքների համար 1726 թվականին կառուցեցին առանձին շինություն: 1750 թվականից հետո կառուցեցին մատուռ, ծածկված գմբեթով, մասամբ պահպանվել են մուտքի դռները: Ռեչ Պոսպոլիտայի բաժանումից հետո ռուսական կառավարությունը պալատում կազմակերպել է հոսպիտալ և զորանոցներ:
1944 թվականի հուլիսին ռազմական գործողությունների հետևանքով ավերվեց: Վերականգնվեց 1952 թվականին սովետական նեոկլասիցիզմի ոճով: Այնտեղ էր տեղակայված տարածաշրջանային համաժողովը: Ներկա օրերում այնտեղ տեղակայված է ցուցահանդեսի մի մասը՝ պարմա-հնագիտական թանգարանը: 1994 թվականին տեղակայվեց հիշատախտակ ի պատիվ ազգային-ազատագրական ապստամբության 1794 թվականին՝ Կոստյուշկոի գլխավորությամբ:
