Ուտրեխտի մայր տաճար կամ Սուրբ Մարտինի մայր տաճար (հոլ.՝ Dom van Utrecht), գոթական տաճար, որը գտնվում է Նիդերլանդների Ուտրեխտ քաղաքում:
Համարվում է Նիդերլանդների եզակի թվով պահպանված գոթական տաճարներից մեկը, որը գտնվում է Նիդերլանդներ ժամանած զբոսաշրջիկների ուշադրության կենտրոնում:
Ուտրեխտի տաճարը կառուցվել է 1254 թվականին, որպես Ուտրեխտի եկեղեցական թեմի կրոնական կառույց: Ունի ընդհանուր հաշվով 112 մետր բարձրություն:
Նիդերլենդներում Մարտին Լյութերի ուսմունքի՝ Ռեֆորմացիայի տարածումից հետո այն ծառայել է, որպես բողոքական տաճար: 1672-1673 թվականներին Ֆրանսիայի կողմից Նիդերլանդների օկուպացումից հետո այն վերստին դարձել է կաթոլիկ տաճար:
Այնուհետև՝ մի որոշ ժամանակ այն ընդհանրապես չի օգտագործվել կրոնական նկատառումներով: Այն ծառայում էր, որպես զբոսաշրջային կարևոր և տեսարժան օբյեկտ Ուտրեխտ քաղաքում:
Ֆրանսիայի կայսր Նապոլեոն Բոնապարտը 1811 թվականին բաժանել է տաճարը աշտարակից՝ այն դարձնելով առանձին շինություն: