Պատմություն
Սալոնգա ազգային պարկը 1984 թվականին ներառվել է ՅՈՒՆԵՍԿՕ-ի Համաշխարհային ժառանգության օբյեկտների ցանկում։
Պարկը, 2015 թվականից սկսած գտնվում է Institut Congolais pour la Conservation de la Nature-ի և Վայրի բնության համաշխարհային հիմնադրամի տիրապետության տակ։ Մշտական խորհրադակցությունը շարունակվում է այգում բնակվող երկու հիմնական բնակչության հետ՝ լյաելիմաներ (Iyaelima), ովքեր այգու վերջին բնակիչներն են, և Կիտավալիսթես (Kitawalistes), մի կրոնական աղանդ, ովքեր հաստատվեցին պարկում, անմիջապես ստեղծվելուց հետո։ Այգու պահակների և լյաելիմաների միջև կա մշտական համագործակցություն, քանի որ լյաելիմաների գյուղերն օգտագործվում են որպես պահակակետեր։
Կենդանական աշխարհ
Սալոնգա ազգային պարկում կան այնպիսի էնդեմիկ կենդանիների տեսակներ, ինչպիսիք են աֆրիկյան մոխրագույն թութակը, Կոնգոյի սիրամարգը, գաճաճ շիմպանզե բոնոբոն, Աֆրիկայի անտառների փիղը և կոկորդիլոսը։
Բացի այդ, այստեղ հայտնաբերվել են կենդանական աշխարհի այլ ներկայացուցիչներ՝ առյուծ, սովորական գետաձի, գոմեշներ և այլն։
Սալոնգա ազգային պարկում կան նաև շատ թռչյուններ։ Դրանք են՝ եգիպտական ձկնկուլը, սև արագիլը և աֆրիկական արագիլը։
Ազգային պարկի հարավային շրջանը եղել է բոնոբոսների ուսումնասիրման վայր։
Լյաելիմաների բնակավայրերի մոտ բոնոբոսներն ավելի տարածված են, ըստ երևույթի, պատճառն այն է, որ լյաելիմաները չեն վնասում նրանց, ավելին, մեծ դեր են կատարում նրանց պահպանման գործում։