Սավալան կամ Սահվարզան (պարս․՝ سبلان), Հայկական լեռնաշխարհի՝ բարձրությամբ երկրորդ գագաթը՝ Արարատից հետո, այժմ Իրանի տարածքում։ Գտնվում է բարձրավանդակի ծայր արևելքում՝ Ղարադաղի կամ Հայկական լեռներում։ Իրանական Ատրպատականի ամենաբարձր գագաթն է, հանգած հրաբուխ։ Բարձրությունը 4 811 մետր է։
Կազմված է անդեզիտներից, տրախիտներից, տուֆերից։ Հնագույն խառնարանի եզրերը մասնատված են կառերով, նրա հյուսիսային լանջին կան սառցադաշտ, հատակին՝ լիճ, հարավային լանջին՝ ծծմբային տաք աղբյուրներ։ Գագաթը ամբողջ տարին ծածկված է ձնով։