Սեդլեցի ոսկրատուն

Այն համարվում է Չեխիայի ամենամեծ ոսկրատունը, որի կրիպտեում հավաքված են հսկայական թվով ոսկորներ: Մեծ հետաքրքրություն է ներկայացնում մատուռի ներքին ինտերիերը, որն ամբողջովին զարդարված է մարդկային գանգերով և ոսկորներով. այդ նպատակի համար կիրառվել են ավելի քան 40.000 մարդկային կմախքներ:

H2k4 @ WikiCommons

Պատմություն

1278 թվականին Հենրիխը, Կուտնա Գոռա քաղաքի արվարձան Սեդլեցի ցիստերցիանական մենաստանի աբբահայրը, Չեխիայի Օտտոկար 2-րդ արքայի կողմից ուղարկվել է Ավետյաց երկիր: Հետ գալուց նա մի քիչ հող բերեց Գողգոթայից և շաղ տվեց աբբայության գերեզմանոցով մեկ:

Ossario di Sedlec // Sedlec Ossuary — Sciamano @ Flickr

Այդ լուրը արագորեն տարածում գտավ տարածաշրջանում: Դրանից հետո այն դարձավ Կենտրոնական Եվրոպայի բնակիչների համար հուղարկավորման ամենահայտնի վայրերից մեկը: Հազարավոր մարդիկ էին երազում մեռնելուց հետո հենց այդտեղ գտնել իրենց վերջին հանգիստը: Միջնադարյան պատերազմներն ու սև մահի՝ ժանտախտի համաճարակները 14-րդ դարի կեսերին, ինչպես նաև Հուսյան հեղափոխական շարժումը 15-րդ դարի սկզբին, կտրուկ մեծացրին այս գերեզմանատունը, քանի որ զոհերին հիմնականում այստեղ էին հուղարկավորում:

1400-ական թվականներին գերեզմանոցի կենտրոնական մասում կառուցվեց դամբարանով գոթական տաճար: Դամբարանը պետք է ծառայեր որպես ոսկորների ամբար, որոնք հանվել էին գերեզմաններից, քանի որ այլևս գերեզմանոցում ազատ տեղ չէր մնացել: Ազատված տարածքներում կամ կրկին թաղումներ էին կատարում, կամ էլ շինարարություն անում: Ըստ տարածված լեգենդի, 1511 թվականից հետո, գերեզմաններից ոսկորների դուրս հանումը և ամբարելը դամբարանում կատարում էր Սեդլեցի ցիստերցիանական մենաստանի վանականներից մեկը:

Kostnice Sedlec 112802 — Bonemesh @ Flickr

1703-1710 թվականներին տաճարը վերակառուցվել է: Ավելացվել է նոր մուտք, որպեսզի վերջինս պահի խոնարհված արտաքին պատը: Վերին հարկը կառուցվեց բարոկկո ոճով:

Bone Church — Al Case @ Flickr

1784 թվականին կայսրը կարգադրեց փակել Սեդլեցի ոսկրատունը և մենաստանը: Ժամատունն ու վանական հողերը գնեց Շվարցենբերգի ընտանիքը:

1870 թվականին այս ընտանիքը վարձեց փայտափորագիր Ֆրանտիշեկ Ռինտին (František Rint), որպեսզի նա կարգավորի ու դասավորի կուտակված ոսկրակույտը: Վերջինս լծվեց աշխատանքի և եկեղեցին ստացավ այսօրվա տեսքը: Ամբողջ ինտերիերը այսօր զարդարված է ոսկորներով ու գանգերով. այդ թվում ջահերը, զինանշանները, գրությունները, մոմակալները:

Kostnice Sedlec 112603 — Bonemesh @ Flickr

Մաուռը բաց է այցելուների համար ամեն օր, առավոտից իրիկուն:

Interfase @ WikiCommons

Տե՛ս նաև

• Ոսկրատուն

Գրականություն

• Horyna, Mojmír, Jan Blažej Santini-Aichel, Karolinum, Praha 1998.
• Horyna, Mojmír, Santini: Stavby J. B. Santiniho na Žďársku, Resident, Žďár nad Sázavou 1999.
• Kryšková, Anna – Látalová, Barbora – Kraut, Jan et al., Záměření církevní architektury J. B. Santiniho, Vysoké účení technické v Brně, Brno 2010.
• Kulich, Jan, Kostnice. Kutná Hora – Sedlec, Gloriet, Chlumec nad Cidlinou 2002.

Արտաքին հղումներ

• Պաշտոնական կայք (անգլ.) (գերմ.)
• Kostnice v Sedlci, Reflex 50/2006 (on-line pouze v placené zóně)

_MG_4962_web - The bone-crown in the Sedlec Ossuary — AlexDROP @ Flickr

20230529_134935_LLS — uweschami @ Flickr

Kostnice Sedlec 112147 — Bonemesh @ Flickr

20230529_135024 — uweschami @ Flickr

20230529_134543_LLS — uweschami @ Flickr

Panoramio upload bot @ WikiCommons

Kostnice Sedlec 112052 — Bonemesh @ Flickr

Vkontakte User @ Vkontakte

Kutna Hora — vainglory @ Flickr

Interfase @ WikiCommons

Kostnice Sedlec 113233 — Bonemesh @ Flickr

Vkontakte User @ Vkontakte

Interfase @ WikiCommons

Ossario di Sedlec // Sedlec Ossuary — Sciamano @ Flickr

20230529_134710_LLS — uweschami @ Flickr