Սումայա թանգարան (իսպ.՝ Musée Soumaya), մասնավոր թանգարան Մեխիկոյի Պոլանկո թաղամասում։
Շահույթ չհետապնդող մշակութային կառույց, որն ունի երկու թանգարանային շենք Մեխիկոյում՝ Պլազա Կարսո (Plaza Carso) և Պլազա Լորետո (Plaza Loreto) ։ Այն ներառում է 66,000 աշխատանքներ, 19-20-րդ դարերի մեքսիկական արվեստի նմուշներ և եվրոպական հին և ժամանակակից արվեստագետների գործերի, ինչպիսիք են Օգյուստ Ռոդենը, Սալվադոր Դալին, Բարտոլոմե Էստեբան Մուրիլյոոն, Տինտորետտոն։ Իր տեսակի մեջ այն համարվում է եզակի հավաքածուներ ունեցող թանգարան։ Թանգարանն անվանվել է Սումայա Դոմիթի պատվին, ով մահացել է 1999 թվականին։ Նա եղել է թանգարանի հիմնադիր Կառլոս Սլիմի կինը։ 2011 թվականին թանգարանն ունեցել է 833,196 (Plaza Carso մասնաշենքի բացման տարին է) 2012- 2013 թվականներին՝ 1.000.000 այցելու։ Մեխիկոյի ամենաշատ այցելուներ ունեցող թանգարաններից է և համարվում է աշխարհում 56-րդ ամենաշատ այցելվող թանգարանը։
Սումայա թանգարանի հիմնական շենքը բացվել է 1994 թվականին Մեխիկո քաղաքի հարավային մասում և կոչվում է Պլազա Լորետո (Plaza Loreto)։ 2011 թվականին Պոլանկո թաղամասում բացվեց Պլազա Կարսո (Plaza Carso) թանգարանի նոր շենքը, ուր տեղափոխվեց հիմնական հավաքածուի մեծ մասը։