Ալեքսանդր Նևսկու տաճար, (բուլղար․՝ Руска църква, Ruska tsarkva) պաշտոնական՝ Սուրբ Նիկոլայ հրաշագործի եկեղեցի (църква "Св. Николай Чудотворец", tsarkva "Sv. Nikolay Chudotvorets"), Ռուսական ուղղափառ եկեղեցի Բուլղարիայի մայրաքաղաք Սոֆիայի կենտրոնում՝ տեղակայված «Ցար օսվոբոդիտել» (Ազատարար Թագավորի) պողոտայում։
Եկեղեցին կառուցվել է 1882 թ. ավերված Սարայ մզկիթի տեղում Օսմանյան կայսրությունից Ռուսաստանի կողմից Բուլղարիայի ազատագրումից հետո։ Այն կառուցվեց որպես հարևանությամբ գտնվող Ռուսական դեսպանության պաշտոնական և Սոֆիայի ռուսական համայնքի, և որպես դիվանագիտական եկեղեցու ավանդույթ անվանվեց Ռուսաստանի Նիկոլայ 2-րդ կայսեր անունով։
Եկեղեցու ճարտարապետը ռուս Միխայիլ Պրեոբրաժենսկին է, ով եկեղեցին նախագծել է ռուսական վերածննդի դարաշրջանի ճարտարապետությամբ։ Շինարարական աշխատանքներին հետևել է Սոֆիայի Ալեքսանդր Նևսկու տաճարի ճարտարապետ Ա. Սմիրնովը։ Արտաքին բազմագույն սալիկների ձևավորումը իրականացրել է Գ. Կիսլիչևը, ներքին որմնապատկերները նկարազարդել է Վասիլ Պերմինովի կողմից գլխավորած նկարիչների խումբը։ Հինգ գմբեթները պատված են ոսկով։ Սրբոցում 4 հիանալի սրբապատկերներ են, որոնք Կիևի Սուրբ Վլադիմիր տաճարի սրբապատկերների կրկնօրինակներն են։ Սա 20-րդ դարի սկզբի ռուսական սրբապատկերների եզակի օրինակներ են։ Առանձնակի հետաքրքրություն է ներկայացնում մայոլիկայի արվեստով ստեղծված սրբոցը պատրաստված Սանկտ Պետերբուրգում։
Եկեղեցու զանգերը կայսր Նիկոլայ Երկրորդի նվիրաբերությունն են տաճարին։ 1947 թ. եկեղեցին հանձնվել է Մոսկվայի պատրիարքության թեմին։
Եկեղեցու շինարարությունը սկսվել է 1907 թ. և ավարտվել 1914 թ.։
Եկեղեցու դամբանում է գտնվում արքեպիսկոպոս Սերաֆիմի (Սոբոլևի) գերեզմանը, որին շատ ուղղափառ քրիստոնյաներ Հրաշագործ են համարում։ Նա 1921-1950 թթ. Բուլղարիայում կառավարել է ռուսական ուղղափառ համայնքը։ Այսօր էլ շատերը նամակներ են գրում՝ խնդրելով նրա օգնությունը, թողնում են դրանք գերեզմանի վրա՝ հավատալով, որ նա կօգնի իրենց։
էջը ում |