Սուտյեսկի ազգային պարկ (սերբ.՝ Национални парк Сутјеска), հին ազգային պարկ Սերբական Հանրապետությունում: Այն ստեղծվել է 1962 թվականին և զբաղեցնում է 17250 հեկտար տարածք: Նրան մոտ քաղաք է Ֆոչան: Այս ազգային պարկի տարածքում է գտնվում Եվրոպայի մեկը այն չորս մնացուկային անտառներից Պերուչիցան: Այստեղ է գտնվում Սերբական Հանրապետության ամենաբարձր լեռը՝ Մագլիչը (գտնվում է ծովի մակարդակից 2386 մետր բարձրության վրա): Սուտյեսկ ազգային պարկը մտնում է Եվրոպայի ազգային պարկի՝ EOROPARC–ի դաշնության մեջ:
1943թ. այս շրջանում եղել է Սուտյեսկի հայտնի ապստամբությունը կամ գերմանական 5-րդ հարձակումը: Այն համարվում է Երկրորդ համաշխարհային պատերազմի ծանր կռիվներից Հարավսլավիայի տարածքում: Ի հիշատակ դրա 1971 թվականին Տյենտիշտեյում կանգնեցվել է արձան զոհվածների հիշատակին, որը մտնում է «Հերոսների արահետ» հուշահամալիրի մեջ:
Ազգային պարկի 66%-ը զբաղեցնում են խիտ անտառները: Այստեղ կան մարգագետիններ և լեռնային բարձրություններ: Անտառները հատկապես լայնորեն ներկայացված են պարկի հյուսիս-արևմտյան հատվածում՝ լեռների լանջերին: Միևնույն ժամանակ այլ շրջաններում լեռնային հատվածները զառիթափ են: Լեռնային բարձրությունները գտնվում են սարահարթից սկսած՝ ծովի մակարդակից 1600 մետր բարձրության վրա: Պարկի ամբողջ տարածքում աճում են 2600 բույսերի և 100 սնկերի տեսակներ: Բնության մնացած հարստությունը ներկայացնում է Պերուչիցայի մնացուկային անտառը, որտեղ աճում է բուկի և սև սոճի, որոնց տարիքը հասնում է ավելի քան 300-ի:
Սուտյեսկի կենդանական աշխարհը հարուստ է և բազմատեսակ: Այս ազգային պարկում ապրում են արջեր, գայլեր, վարազներ, վայրի այծեր, կզաքիսներ, քարայծներ և այլ կենդանիներ: Այստեղ նաև ապրում են համարյա 300 տեսակ թռչուններ, ընդ որում 61-ը բույն են դնում այնտեղ:
