Ստամբուլի համալսարան (թուրք.՝ İstanbul Üniversitesi, անգլ.՝ Istanbul University), Թուրքիայի և Ստամբուլի առաջատար բուհը։ Համալսարանը Թուրքիայի ամենահին գործուն բուհն է։
Համալսարանի հիմնական տարածքը գտնվում է քաղաքի հին հատվածում՝ Բայեզիդ և Սուլեյմանիե մզկիթների միջև։ Ներկայումս համալսարանում և նրա մասնաճյուղերում սովորում է ավելի քան 60 000 ուսանողներ և 8000 ասպիրանտներ։ Համալսարանում աշխատում են ավելի քան 2000 պրոֆեսորներ։
Հիմնվել է Մեհմեդ II Ֆաթիհի կողմից 1453 թվականին։ Մինչ XX դարը համարվում էր մահմեդական բարձրագույն դպրոց, իսկ արդեն 1927 թվականին վերակազմակերպվել և 1933 թվականին դարձել է աշխարհիկ ուսումնական հաստատություն։
Ստամբուլի համալսարանի գրադարանը հիմնվել է 1925թվականին և համարվում է Թուրքիայի խոշոր գրադարաններից մեկը։ Գրքային ֆոնդը կազմում է ավելի քան 250000 կտոր գիրք և ավելի քան 18000 ձեռագիր։