Բիթլզի պատմություն (անգլ.՝ The Beatles Story), թանգարան Լիվերպուլում, որը նվիրված է The Beatles լեգենդար ռոք-խմբի ստեղծագործությանն ու կյանքին: Թանգարանը գտնվում է Ալբերտ-դոկայի նկուղային մասում, Լիվերպուլի նավահանգստի պատմական շենքերի տարածքում:
Թանգարանի այցելուները մուտքի մոտ ստանում են աուդիոգիդ, այդ թվում` ռուսերեն լեզվով:
Սենյակից սենյակ անցնելով` այցելուները հետևում են Բիթլզ խմբի ստեղծման և զարգացման պատմությանը: Սենյակներից յուրաքանչյուրը նվիրված է Բիթլզի պատմության մի շրջանին և նրա անդամներին` Ջոն Լենոնի առաջին Quarrymen խմբի ծնունդին,Համբուրգում Բիթլզի շրջագայությանը, Բրայան Էփսթեյնի հետ ծանոթությանը, Cavern Club-ում ելույթներին և այդպես շարունակ մինչև 1970 թվականին խմբի անկմանը:
Թանգարանում հավաքված են յուրահատուկ ցուցանմուշներ. խմբի անդամների համերգային կոստյումներն ու գործիքները, լուսանկարներ, երգերի տեքստեր, ձայնասկավառակներ, ականատեսների հիշողություններ և արխիվային վիդեոներ: Առանձին ցուցափեղկ կա, որտեղ ցուցադրված են Բիթլզ խմբին ռուս երկրպագուների տված նվերները:
Թանգարանի ելքի մոտ կա լեգենդար խմբի խորհրդանիշերով հուշանվերների խանութ: