Տերակոտե բանակ (չին․՝ 兵馬俑, փինյին՝ bīngmǎ yǒng), չինական ռազմիկների և նրանց ձիերի ավելի քան 8099 ամբողջական տերակոտե արձանիկների համախմբի ընդունված անվանում։ Հայտնաբերվել է 1974 թվականին Ցին Շիխուանդի կայսեր դամբարանի մոտ՝ Սիան քաղաքից ոչ հեռու։
Արձանիկները թաղվել էին Չինաստանի առաջին կայսր Ցինի հետ մ. թ. ա. 210-209 թվականներին։ Արձանները հայտնաբերվել են 1974 թվականին տեղի գյուղացիներից մեկի կողմից՝ արտեզյան ջրամբարի հորատման ժամանակ Լիշան լեռից դեպի արևելք։ Պեղումների առաջին փուլը եղել է 1978 -1984 թվականները, իսկ երկրորդը՝ 1985-1986 թվականները։ 2009 թվականին մեկնարկել է պեղումները երրորդ փուլը։
1987 թվականին ՅՈՒՆԵՍԿՕ-ի 11-րդ համագումարի ժամանակ Տերակոտե բանակը ներառվել է Համաշխարհային ժառանգության ցանկում՝ որպես «Ցին դինաստիայի առաջին կայսեր դամբարանի» համալիրի մի մաս։
Ըստ ավանդության՝ այս արձանները թաղելու նպատակը նրանումն է, որ դրանք պետք է կայսերը հաղորդեին ուժ և բավարարեին նրա իշխանական հավակնությունները հանդերձյալ կյանքում։
Չնայած կենդանի ռազմիկներին թաղելու փոխարեն, ինչպես սովորաբար արվում էր, կայսեր հետ թաղել են այդ ռազմիկների նույնատիպ արձանները, թաղել էին նաև մոտ 70 հազար ողջ և առողջ աշխատավորների իրենց ընտանիքների հետ։