Տեյդե (իսպ.՝ Parque nacional del Teide), ազգային պարկ Տեներիֆեում (Կանարյան կղզիներ, Իսպանիա)։
Ազգային պարկը կենտրոնացած է Տեյդե լեռան վրա, որն ամենաբարձր լեռն է Իսպանիայում (բարձրությունը 3718 մ)։ Ազգային պարկ կարգավիճակը ստացել է 1954 թվականի հունվարի 22-ին՝ ըստ այդմ դառնալով Իսպանիայի ամենահին պարկերից երրորդը։ Պիկո Վիեխոն, որը մտնում է պարկի սահմանների մեջ, երկրորդ ամենաբարձր հրաբուխն է Կանարյան կղզիներում։ Լեռան բարձրությունը 3135 մ է։ Տեյդե լեռը և Պիկո Վիեխոն երկու միակ գագաթներն են, որ գտնվում են 3000 մետր բարձրության վրա։
Տեյդե ազգային պարկն ունի 18990 հա տարածք։ Տեղակայված է Լա Օրոտավա մունիցիպալիտետում։ Այն հռչակվել է Համաշխարհային ժառանգության օբյեկտ, ՅՈՒՆԵՍԿՕ-ի կողմից 2008 թվականի հունիսի 28-ին։ 2007 թվականի վերջից սկսած, համարվել է Իսպանիայի 12 գանձերից մեկը։ Տեյդեի արևելքում՝ լեռնաշղթայի վրա գտնվում է Օբսերվատորիա աստղադիտակները։
Տեյդեն ամենաշատ այցելուներ ունեցող ազգային պարկն է Իսպանիայում և Եվրոպայում։ Ամեն տարի այստեղ հյուրընկալվում է 3 միլիոն զբոսաշրջիկ։ 2016 թվականին պարկը գրանցել է 4079823 այցելու՝ գրանցելով պատմական ռեկորդ։ Տեյդեն ամենահայտնի բնական պարկն է ոչ միայն Տեներիֆեյում, այլև բոլոր Կանարյան կղզիներում։
Լավան հոսելով առաջացրել է բերրի և հանքային աղերով հարուստ հող, ինչը նպաստել է բուսական աշխարհի զարգացմանը։ Բուսական աշխարհը բաղկացած է 168 տեսակի բույսերից, որոնցից 33-ը էնդեմիկ են։
Կանարյան կղզիների սոճու անտառները տարածվում են 1000-2100 մ բարձրությունների վրա, որոնք ծածկում են հրաբխի զառիթափ լանջերը և ունեն ալպիական ծառաշարք։