Տիրանայի բուրգ. միջազգային մշակութային կենտրոն (ալբաներեն՝ Piramida), կառույց, նախկին թանգարան Ալբանիայի մայրաքաղաք Տիրանայում, որը բացվել է 1988 թվականի հոկտեմբերի 4-ին։ Նախկինում եղել է «Էնվեր Խոջայի թանգարան»: Բուրգաձև այս կառույցը նախագծել են Էնվեր Խոջայի դուստրն ու փեսան։ Մինչև 1991 թվականը կառույցը ծառայել է որպես Էնվեր Խոջայի թանգարան, այնուհետև դարձել է համաժողովների կենտրոն և ցուցասրահ։ Որոշ աղբյուրներ անդրադարձել են կառույցին որպես «Էնվեր Խոջայի դամբարան», սակայն պաշտոնական նման անվանում չի եղել:
Թանգարանի նախագծի վրա աշխատել են ճարտարապետներ Պիռո Վասոն, Կլեմենտ Կոլանեսին, Պրանվերա Խոջան, Վլադիմիր Բրեգուն:
1999 թվականին Կոսովոյի պատերազմի ժամանակ թանգարանը ծառայել է որպես ՆԱՏՕ-ի և մարդասիրական այլ կազմակերպությունների բազա:
Ալբանիայի խորհրդարանի նոր շենքի կառուցման համար նախատեսել են քանդել 17,000 կմ 2 տարածքը, սակայն օտարերկրացի առաջատար ճարտարապետները չեն սատարել այդ նախագծին։ Պատմաբան Ադրիան Կլոսին կառույցը պահպանելու համար նախաձեռնել է ստորագրահավաք։ Նախքան Ալբանիայի խորհրդարանի նստավայր դարձնելը, նախատեսվել է շենքը դարձնել օպերային թատրոն։ Սակայն շինարարական աշխատանքները կանգնեցվել են, շենքի արտաքին տեսքի մարմարե սալիկները հանվել են:
2001 թվականից շինության մի մասն օգտագործվում է որպես Top Channel ալբանական հեռուստաալիքի հեռարձակման կենտրոն։ Հարակից տարածքը օգտագործվում է որպես ավտոկայանատեղի։ Այստեղից ավտոբուսներ են մեկնում դեպի Էլբասան:
Տիրանայի բուրգ Վիքիպահեստում |