Տուրնեի Աստվածամոր տաճար (ֆր.՝ Cathédrale Notre-Dame de Tournai, հոլ.՝ Onze-Lieve-Vrouw van Doornik), Տիրամորը նվիրված մայր տաճար բելգիական Տուրնե քաղաքում։ Եպիսկոպոսական նստավայր է (Տուրնեի կաթոլիկական եպիսկոպոսություն)։
Տուրնեի Մայր տաճարը դասվում է Եվրոպայի ամենագեղեցիկ պաշտամունքային կառույցների շարքին։ 2000 թվականին ընգրկվել է ՅՈՒՆԵՍԿՕ-ի համաշխահային ժառանգության ցանկում։
Մայր Տաճարի շինարարությունը սկսվել է 1110 թվականին այն բանից հետո, երբ 9-րդ դարի կեսերին հրդեհը ավիրել է այդ վայրում գտնվող եպիսկոպոսական պալատն ու եկեղեցական համալիրը։
1191 թվականին ռոմանական ճարտարապետական ոճով կառուցվել է տաճարի հիմնական շենքը (միանավ), նրա աշտարակները, կողային տարածքները։ 13-րդ դարում ռոմանական դասը քանդվել է, քանի որ եպիսկոպոս Գոտյե դը Մարվին պլանավորել էր տաճարի ամբողջական վերակառուցում գոթական ոճով։
Նոր գոթական դասերը կառուցվել են 1244-1255 թվականներին, սակայն տաճարի վերակառուցման հետագա աշխատանքները դադարեցվել են։ 1325 թվականին գոթական ոճով կառուցվել են միայն երկու կողային կապելլաներ։
Տաճարն ունի 5 աշխատակ՝ մեկ կենտրոնական և 4 անկյունային զանգակատուն։ Աշտարակների բարձրությունը 83 մ է։ Կառուցի բարձրությունը՝ 58 մ, երկարությունը 134 մ, լայնությունը՝ 36 մ։