Վանդոմի հրապարակ (ֆր.՝ Place Vendôme), նախկինում Լյուդովիկոս Մեծի հրապարակ (Place Louis le Grand), Փարիզի հինգ թագավորական հրապարակներից մեկն է:
Փարիզի մետրոպոլիտեն՝ 3, 7, 8 գծեր, Opéra կայարան:
Գտնվում է Փարիզի առաջին շրջանում, Փարիզյան օպերայից ոչ հեռու: Ստեղծվել է 1699 թվականին, ճարտարապետ ժյուլ Արդուեն-Մանսարի նախագծով, Լյուդովիկոս XIV պատվին, իսկ անվանումը ստացել է Սեզար դե Վանդոմ պալատից: Կլասիցիզմի ոճով միատեսակ կառույցները, որոնք շրջապատում էին հրապարակը ավարտվել են 1720 թվականին:
Վանդոմի հրապարակի կենտրոնում տեղակայված է 44 մետրանոց Վանդոմի սյունը, Նապոլեոն II արձանով, իրականացված Տրայանոսի սյունի կերպարով:
Հրապարակի արևմտյան հատվածում № 15-ի ներքո գտնվում է 1898 թվականին Սեզար Ռիցի կողմից հիմնադրված «Ռից» հյուրանոցը: 1979 թվականից «Ռից» հյուրանոցը պատկանում է եգիպտացի միլիարդատեր Մոհամեդ ալ Ֆայեդին, ում որդին՝ Դոդի ալ-Ֆայեդն մահացել է Արքայադուստր Դիանայի հետ: Հենց Ռից հյուրանոցից է դուրս եկել ալ Ֆայեդի ավտոմեքենան, երբ դ՛Ալմա հրապարակի տակ տեղի է ունեցել ավտովթարը: «Ռից» հյուրանոցում իջևանած հայտնի հյուրերի շարքում են՝ կոմսուհի դի Կաստիլոնեն և Կոկո Շանելը (այնտեղ անցկացրել է կյանքի վերջին 37 տարին), Էռնեստ Հեմինգուեյը, Չարլի Չապլինը, Մարսել Պրուստը և այլոք:
№ 12 առանձնատանը 1849 թվականին մահացել է Շոպենը։ Այդ նույն շենքում Նապոլեոն III ծանոթացել է ապագա կնոջ՝ Եվգենյայի հետ:
1934 թվականից ի վեր № 21 տանը գտնվում է Էլզա Սկիապարելիի նորաձևության տունը: Վանդոմի հրապարակում գտնվում են բազմաթիվ բուտիկններ, այդ թվում նաև ոսկերչական, օրինակ՝ Chanel-ի շտաբակայանը, Cartier-ի և Chaumet-ի բուտիկները: