Վարշավայի ապստամբության թանգարանը (լեհ.՝ Muzeum Powstania Warszawskiego) գտնվում է Լեհաստանի մայրաքաղաք Վարշավայի Վոլա թաղամասում:
Այն նվիրվել է 1944 թվականի Վարշավայի ապստամբությանը: Հաստատությունը հիմնադրվել է 1983 թվականին, սակայն երկար տարիներ շինարարական աշխատանքներ չեն կատարվել: Թանգարանը բացվել է 2004 թվականի հուլիսի 31-ին, ապստամբության 60 ամյակին:
Թանգարանում պահպանվում և ցուցադրվում են հարյուրավոր իրեր օգտագործված ապստամբների կողմից, զենք-զինամթերքից մինչև սիրային նամակներ՝ պատերազմական իրավիճակների մասին ամբողջական պատկերացում կազմելու համար: Թանգարանի նպատակն է ստեղծել պատմական տեղեկատվությունների արխիվ՝ ներառելով ապստամբության մասին կարևոր փաստեր, ապստամբների հուշեր, ապստամբությունից կենդանի մնացած մարդկանց պատմություններ և ձայնագրություններ:
Թանգարանի տնօրենն է Յան Օլդակովսկին, իսկ նրա տեղակալը՝ Լեհաստանի Գիտությունների ակադեմիայի պատմաբան Դարիուս Գավինն է:
Թանգարանում պատկերված է Վարշավայի ապստամբության ամբողջ տեսքը:
Որոշ հարկերում ցուցադրություններ կան, որտեղ ցուցադրվում են լուսանկարներ, աուդիո և վիդեո, ինտերակտիվ ցուցադրություններ, ձեռքի աշխատանքներ, գրավոր հաշվետվություններ և այլ վկայություններ, թե ինչպիսին է եղել Վարշավայի կյանքը գերմանական օկուպացիայի ժամանակ, ապստամբության և դրա հետևանքների մասին: Վարշավայի յուրաքանչյուր թաղամասին նվիրված ցուցադրություններ կան: Կան բազմաթիվ տեղեկատվական թերթիկներ և թռուցիկներ (լեհերեն և անգլերեն լեզուներով), ներառյալ 63 օրացույցային թերթեր՝ 1944 թվականի օգոստոսի 1-ից մինչև 1944 թվականի հոկտեմբերի 2-ը, ներառելով կարևոր իրադարձություններ և դեպքեր. որոնք տեղի են ունեցել ապստամբության այդ ժամանակահատվածում:
Որոշ բաժինների ցուցադրություններ ներառում են.
Կառուցվել և ստեղծվել են մի շարք կարևոր շինություններ և կռույցներ.
| Վարշավայի ապստամբության թանգարան Վիքիպահեստում |
